Milodi dəvardə sorədə İroni təbii qazi ixracat əlovə bey
Milodi dəvardə sorədə İroni təbii qazi ixracat bə 9 faiz hevuj peydoş kardə və bə 19 milyard kubmetr nez rəsə.
Bə İrna raporti əsos, Enerji muəsisə ıştə oxonə statestikaon bəyonış kardə ki bəvədə Milodi dəvardə sorədə İroni təbii qazi ixracat 18.9 milyard kubmetr be ki ım miğdor, ım sorədə lulə xətti royku təbii qazi qlobal ticorətiku 2.5 faiz şomil bıdə.
Milodi 2022 minnə sorədə İroni qazi ixracat dəvardə sori muğaisədə 9 faiz əlovə bey nışoş do ki ım məhsuli qlobal ticorəti miyonə hevujətiku 4 bərobəriku vey be.
Milodi dəvardə sorədə, İroni qaz 18.9 milyard kubmetr ixrac bıə ki ım miğdoriku 9.4 milyard kubmetr bə İrağ, 9.1 milyard kubmetr bə Tırkiyə, və 0.4 milyard kubmetr bə Azərbaycan Respublika ixrac bıə.
Qlobal ticorəti həmmə enerji muəsisə Milodi 2022 minnə sori mıddətədə, lulə xətti royku təbii qazi 718 milyard kubmetr elanış kardə.
Im miğdor Milodi 2021 minnə sori muğaisədə, 2 faiz əlovə bey nışoş do.
Rusiyə de 125 milyard kubmetr ixracat Milodi 2022 minnə sorədə lulə xəton royku təbii qazi cəhəto vey yolə ixracəkə kişvər bə hisob omeydə.
