Heybət əl-Həlbusi İraği parlamenti sədr be

İraği parlamenti uzvon nuyə parlamenti iminə iclosədə de veyə sədo Heybət əl-Həlbusişon çe kişfəri ğanunnoə orqani şəşminə devrə sədrışon səçın kardə.

İraği parlamenti uzvon nuyə parlamenti iminə iclosədə Heybət əl-Həlbusi de numoyəndəon əksəriyyəti sədo çe kişfəri ğanunnoə orqani sədr vıjniyə bıə.In səçın,çe huğuği və parlament proseson çərçivədə Əl-Həlbusi,Samir əl-İsavi və Amir Əbdul-Cəbbar-i miyono rəğobəton bədiqə bə əməl omə.

Navko bə parlamenti sədri vəzifə nomizəd doə bıə Musənna Əs-Samirayi həm iclosi zəmonədə çın ğəroriku imtinoş kardə.Bə iclosi bənə parlamenti həmməysə sinninə uzvi bıə Amir əl-Fayizi sədrəti kardəşe.2003-ə sori bədiqə bə İrağədə hukm kardə siyosi adəti əsos,çe parlamenti sədri vəzifə bə sınniyə hərəkoton məxsuse və Əl-Həlbusi həm bın çərçivədə səçın bıə.