İroni merdon nıştəco voleybol, Asiyaədə ğəhrəmon bıə

İroni merdon nıştəco voleybol milli komanda de Ğəzaxıstoni vədə səbarz bıə iyən Asiyaədə ğəhrəmon bıə.

Zinə İroni merdon nıştəco voleybol, Ğəzaxıstoni mıobilədə ki ım rəğabəton mizbon be, 3 bə 0 səbarz bıə iyən Asiyaədə ğəhrəmon bıə.

ım mısobiğəonədə İroni komanda Ğəzaxıstoni vədə de ım nəticəon səbarz bıə 25 bə 21, 25 bə 14 iyən 25 bə 17.

İroni merdon nıştəco voleybol milli komanda ım rəğabətonədə 5 qılə hənək əncom doşone və həmmə mısobiğəonədə 3 bə 0 səbarz bıə.

ım dıvrə rəğabətonədə har komanda ki ğəhrəmon bıbu, Parisi 2024 Paralimpiya səhmiyə kəsb bəkay.

Milodi 2022 minnə sorədə və Bosniya beynəlxalğə mısobiğəonədə İroni komanda Paralimpiya səhmiyə kəsbış kardə be ki Ğəzaxıstoni komanda həm de Asiyaədə dıminnə vırə kəsb kardey xoto bə Parisi Paralimpiya roş peydo kardə.

Həmçınin İroni jenon nıştəco voleybol milli komanda Çini vədə məğlub bıə iyən Asiyaədə bə 2minnə vırə rəsə.