Rəyisi: İron və Uzbəkistoni miyono rabitəon inkişofiro veyə zərfiyəton mevcude

İroni prezdent votışe: İron və Uzbəkistoni rabitəon inkişofiro vey zərfiyəton mucude ki umu heste vey rə 2 qılə kişvəri prezdenton səfəon cərəyonədə əncom bıə təvafuğon icro bıbun.

Bə İrna raporti əsos, zinə əsrədə Seyd İbreym Rəyisi, de Uzbəkistoni prezdent Şokət Mirzayevi telefoniyə votımonədə ım kişvəri tojədən prezdent beyro təbrik votışe və ıştə umu nışoş do ki tojə dıvrədə həm dəvardəku vey 2 qılə kişvəri yolon ciddi irodə sayədə 2 qılə kişvəri ticori, mədəni, siyosi və iğtisodi rabitəon həm hevuj bıbu.

Im telefoniyə votımonədə prezdent dəvardə 2 sorədə İron İslom Respublika rabitəon de Uzbəkistoni ğəbol kardəninə rabitə zınəşe və təkidış kardə: 2 qılə kişvəri rabitəon inkişofiro veyə zərfiyəton mucude ki umu heste vey rə təvafuğon icro kardeyədə ım zərfiyəton əlovə bıbu.

Im telefoniyə votımonədə Uzbəkistoni prezdent Şokət Mirzayev, İron İslom Respublika prezdenti təbrikiku ğədrdonəti iyən əlovəş kardə: 2tərəfi iyən məntəğə muxtəlifə baxşonədə əcumlə Şanxay həmkoəti təşkiloti çərçivədə, tojə dıvrədə Uzbəkistoni həmkoətion de İron İslom Respublika de ciddi və ğoym surət dəvom peydo bəkay.