Asiya ğəhrəmonəti sıvıkə atletikə mısobiğəonədə İron 2 qılə nığı medal kəsbış kardə

İroni 2 nəfər sıvıkə atletikə milli komanda uzv, muvəffəğ bıən Asiya ğəhrəmonəti sıvıkə atletikə rəğabətonədə nığı medal kəsb kon.

Çoşəmbə rujiku  Asiya ğəhrəmonəti sıvıkə atletikə mısobiğəon, bə Bankok mizbonəti bino bıə və İroni sıvıkə milli komanda həm de 10 nəfər varzışkor ım rəğabətonədə iştirokışon be.

Bə İran Peres aqentiyəti raporti əsos, zinə Cımə rujədə Asiya ğəhrəmonəti sıvıkə atletikə rəğabəton təğib bıə və Fərzane Fəsihi iyən Mehdi Saberi nığı medal kəsbışon kardə.

Fərzane Fəsihi milli komanda sprinter  be ki muvəffəğ bıə Asiya ğəhrəmonəti sıvıkə atletikə mısobiğəon 100 metrə maddə rəğabətədə, de 11.39 zəmoni ğeyd kardey, 2minnə vırədə ğəror bıqəto və ım mısobiğəonədə İroni vığandə bıə komanda 2minnə medali kəsb ko.

Çımiku bənav həm  yadro dəkuje mısobiğədə 19.98 metr rekordi ğeydış kardə və 2minnə vırədə ğəror qətışe.