Rəyisi: Voleybol komanda ğəhrəmonəti, İroni cıvonon istedad iyən zumandəti nışonəy

İron İslom Respublika prezdent qıləy mesaj ğolibədə beynəlxalğə rəğabətonədə kişvəri 21 sınniku bıə kam voleyboli milli komanda ğəhrəmonəti təbrik votışe və əlovəş kardə: ım səbarzəti İroni cıvonon istedad iyən zumandətiku co qılə nışonəy.

Bə prezdenti məlumatrosniyə mərkəzi raporti əsos, İron İslom Respublika prezdent, Seyd İbreym Rəyisi mesajədə omə: Mənameədə dınyo ğəhrəmonəti riğabətonədə İroni 21 sınniku bıə kam voleyboli milli komanda iğtidorinə səbarzəti, kişvəri cıvonon istedad iyən zumandətiku co qıləy nışonəy və İroni həmmə milləti şoəti bois bıə.

Rəyisi bə İroni millət ım erjinə muvəffəğiyəti təbrik votışe və voleyboli milli komanda həmmə murəbbion və koəkəyon xususi cıvononku ki İroni İslomi Respublika boydəği rost kardışone və İroni nomi məşhur kardışone səmimi surət ğədrdonətiş kardə.

İroni xarıci vəzir Huseyn Əmirəbdullahiyan həm ıştə Tıvittədə, Mənameədə dınyo ğəhrəmonəti riğabətonədə İroni 21 sınniku bıə kam voleyboli milli komanda ğəhrəmonəti təbrik votışe.

Zinə şəv İroni cıvonon voleyboli milli komanda de İtaliya məğlub kardey de iğtidor iyən de 8 qılə səbarzəti bə ico dınyoədə ğəhrəmon bıə və 2minnə kərə iminnə vırədə ğərorış qətə.