Tehronədə İsveçi səforətxonə mığobilədə İroni milləti etırozinə aksiya

İsveçi rəsmi şəxson səmtiku bə Kərimə Ğıroni be ehtıroməti kardeyro icozə doey etırozədə İroni millət Tehronədə ım kişvəri səforətxonə vədə etırozinə aksiya bərpo kardışone.

Selvan Momika nomo bıə ifrotiyə şəxs ki İyunə manqi 28 minnə rujədə İsveçədə bə Kərimə Ğıron be ehtıroməti kardəş be, tojədən Pencşəmbə rujədə həm 2minnə kərəro və de ım kişvəri polisi icozə qətey vositə bə Kərimə Ğıron be ehtıromətiş kardə.

Bə İrna raporti əsos, ım aksiyaədə İroni millət Tehroni İsveçi səfiri ixroc kardey tələbışon be.

İslomi İroni həmmə vırəon cımə nımoj votə kəson həm de aksiya bərpo kardey, İsveşədə bə Kərimə Ğıroni muğəddəsə məğomi be ehtıroməti kardey məhkum kardışone.

Həmçınin İorni xarıci vəzir Huseyn Əmirəbdullahiyan bə İ Bıə Milləton Tşəkiloti sərkatib Antuniyo Qotreş qıləy məktobi ğolibədə bə Kərimə Ğıroni muğəddəsə vırə be ehtıroməti kardey barədə reaksiya nışoş do və ım hərəkət ki 2minnə kərəro İsveçi kişvəriku əncom bıə, İron İslom Respublika nota dodə ki jıqo hərəkəton, sıxən votey ozodi jintonədə bə həmmə mısılmonon oşkoə tovhin, muxtəlifə ictimaon təhrik kardey və de anti islom iyən ifrotçiyəti rəvoc doey ğolibədə əncom bəbe.

Həmçınin Pencşəmbə şəvədə İsveçədə bə Kərimə Ğıroni tojədən be ehtıroməti kardey reaksiyaədə Tehronədə ım kişvəri səfir, de İroni xarıci vəziri sıxənəvot vanq bıə iyən İroni etırozon bəy doə bıə.