İron və Pakistoni ticorət 18 faiz ozavziyə

Səmt kə ticori inkişofi kamissiya sıxənəvot təkidış kardə: İron və Pakistoni ticorət 18 faiz əlovə bıə.

Dəvardə haftədə İroni xarıci vəzir Huseyn Əmirəbdullahiyan bə İslamabad səfərış kardə be və de Pakistoni rəsmi şəxson iğtisodi, siyosi və mədəni rabitəon hevujəti barədə muzakirə kardəş.

Bə İrna raporti əsos, Səmt kə ticori inkişofi kamissiya sıxənəvot, Seyd Ruhullah Lətifi votışe: dəvardə sorədə,4 milyono 285 həzo toniku vey ğeyri nat əmtəə de 2 milyardo 330 milyon dollar erj, İron və Pakiston miyono mıbodilə bıə ki ım mığdor dəvardə sori muğaisədə vəzni cəhəto, de 30 faiz əlovə bey iyən erji cəhəto de 48 faiz əlovə bey bə ico be.

Lətifi İron və Pakistoni ğeyri nat ticori barədə həm əlovəş kardə: 1401 minnə sorədə İron və Pakistoni 2 milyardo 330 milyon dollar ticorətiku 3 milyono 538  həzo toniku vey əmtəə de 1 milyardo 488 milyono 161 həzo dollar erj, bə Pakistoni İroni ixracat səhm iyən 746 həzo 700 ton əmtəə de 841 milyono 818 həzo dollar Pakistoniku İroni varid bey səhm be.