Tehroni cımə nımoji xətib: islomi inğilob şəxsiyət, Aşura məktəbiku peqətə bıə

Tehroni cımə nımoji xətib bəyonış kardə: islomi inğilob şəxsiyəti Aşura məktəbiku qətə bıə və təkidış kardə: ehanə Aşura nıbe, islomi inğilob həm nıbe.

Bə Mehr aqentiyəti raporti əsos, zinə cımə nımoji xutbəonədə, Huccətul İslom vəl muslemin Seyd Muhəmməd Həsən Əbotorabifərd təsdiğış kardə: Aşura məktəbxonə, Suriyə , Amerkə dastiku xarıc iyən Yəməni bə muğaviməti simvol əvəzış kardə.

Tehroni cımə nımoji xətib ijən əlovəş kardə: Aşura məktəbxonə, Livani Hizbullah və sionist rejimi 33 rujə canqi icodış kardə iyən ım məktəbxonə heste ki şəhid Qeneral Suleymani və muğəddəsə mudafiə şəhidon prosniyəşe.

Huccətul İslom vəl muslemin Seyd Muhəmməd Həsən Əbotorabifərd de işorə bə şəhid Suleymani sıxən ki vottəş be, 33 rujə canqi bəpeşt, İsrail məğlub və be hərəkət bıə, ijən votışe: ım Aşuraiyə merdon bin sionist rejimi məğlub kardışone, həmonə rejim ki de təhdid ıştə əmniyyət icod kardışon be.

Tehroni cımə nımoji xətib ijən bə İroni islomi parlamenti səçıni dovtələbon nomi ğeyd kardey bino bey işorəş kardə iyən kişvəri idorə kardey vey muhimmə baxşədə milləti iştirok və hakımiyəti nışonə zınəşe.

Milodi 2024 minnə sori Martə manqi 1 minnə rujədə, İroni İslomi Şura parlamenti 12 minnə dıvrə səçın iyən Rəhbəri xobreqan parlamenti 6minnə dıvrə səçın bərpo bəbe.