Prezdent iyən devləti heyət, tojədən de İmom Xomeyni(r)-i hədəfon əhd bastışone

İran Peres: devləti haftə bino bey astanədə, ımruj Seşəmbə Mordadə manqi 31 minnə rujədə, İron İslom Respublika prezdent Seyd İbreym Rəyisi və devləti heyət İmom Xomeyni(r)-i pokə hərəmədə iştirok kardışone və de İslomi İnğilobi yolə təsisəkə hədəfon tojədən əhd bastışone.

Bə İran Peres aqentiyəti raporti əsos, , ımruj Seşəmbə Mordadə manqi 31 minnə rujədə devləti haftə bino bey astanədə, İron İslom Respublika prezdent Seyd İbreym Rəyisi və devləti heyət İmom Xomeyni(r)-i pokə hərəmədə iştirok kardışone və de Ğıron və fatihə handey İmom Xomeyni(r)-i yod iyən xotirə qıromi zınəşone.

Im mərosimədə İmom Xomeyni(r)-i pokə hərəmi toliyət Huccətul İslom Seyd Həsən Xomeyni həm iştirokış be.

İron İslom Respublika prezdent iyən devləti heyət peşo bə Rəcai, Bahonər, Beheşti iyən devləti şəhidon və Tirə manqi 7 minnə ruji şəhidon iyən Beheşte Zəhra(s) şəhidon ğəbi sə şeydən və bə şəhidon barzə məğom ehtırom noşone.

Şəhrivərə manqi 2 minnə ruj, Milodi 2023 minnə sori Avqustə manqi 24 minnə ruj, İron İslom Respublikaədə devləti haftə bino bəbe.

Milodi 1981 minnə sorədə de mınofiğon terroristiyə qədə qrupon amilon dasti vositə iminnə vəziri təşkiloti terroristiyə tıpemoni dumoədə həmonə zəmoni iminnə vəzir Muhəmməd Cəvad Bahonər iyən prezdent Muhəmməd Əli Rəcai şəhid bıən.

Im şəhidon yod iyən xotirə yol qəteyro ki islomi nizomədə devlət mırdon xalisə ulqu bin Şəhrivərə manqi iminnə haftə yəni Avqustə manqi 24 tosə 31 minnə ruj devləti haftə unvani nom qətə bıə.