De terrorizm mubarizə bardey baxşədə İron və Rusiyə həmkoəti hevujəti

İron İslom Respublika ərtışi zəmini ğıvvə komandir bə Rusiyə səfə iyən de ım kişvəri zəmini ğıvvə komandiri votımon vey konstraktiv iyən çok zınəşe.

Qeneral Kiyomərs Heydəri bə Moskva ıştə 3 rujə səfə oxoədə mudafiə iyən hərbi baxşonədə İron və Rusiyə həmkoətion əhəmiyyəti barədə bə İran Peres jurnalisti soali cəvobədə votışe: de terrorizm mubarizə bardey zəminədə 2 qılə kişvər vey çokə təcrubəon soybin və karde bəznen ım təcrubəon bə dınyo nışo bıdən.

İroni ərtışi zəmini ğıvvə komandir ijən bəyonış kardə muxtəlifə baxşonədə terrorizm dınyo təhdid bə hisob omeydə ijən təkidış kardə: Tehron iyən Moskva pidəşone ki de terrorizm mubarizə bardey baxşonədə ıştə həmkoətion hevuj bıkon.

Qeneral Heydəri ijən votışe: İron İslom Respublika de terrorizm mubarizə bardeyədə vey ciddiye.

İroni ərtışi zəmini ğıvvə komandir həmçınin bə Rusiyə səfə vey nəticəəbaxş zınəşe və təkidış kardə: de Rusiyə ərtışi zəmini ğıvvə komandir Qeneral Olq Saliyokofi məşvərət kardey vey çokə nəticə bə dast omə.