İroni Kermanşah ostani qumrukonku, 1 milyard dollariku vey ixracat

İroni Kermanşah ostani qumruki yol, ım ostani qumrukon 1 milyard dollariku vey ixracatiku xəbəş do.

Cəmədə Kermanşah ostan de İraği kişvər 371 kilometrə mıştərəkə marzi soybe və ım marzi dəvomədə 2 qılə rəsmi marz iyən 5 qılə qədə vıjor əktivin və har sor ım marzoku 3 milyardiku vey  əmtəə kişvəriku ixrac bəbe.

Kermanşah ğərbədə Ğəsre Şirin de İrağ 186 kilometrə marzi soybe ki ım marzon dəvomədə 2 qılə rəsmi və əktivə marz yəni Xosrəvi iyən Pərvizxan ğərorışon qətə.

Pərvizxani rəsmiyə marz kişvəri ğərbi iğtisodi mərkəze iyən əktivə marzonku bə hisob omeydə və 45 fayiz İroniku və ım marziku ğeyri nat məhsulon bə İraği kişvər ixrac bəbe.

Tojədən Kermanşah qomruki yol, Əli Əsğər Əbbaszodə de İrna votımonədə dəvardə 5 manqi mıddətədə ostani qomroki 1 milyard dollariku vey ixracatiku xəbəş do iyən votışe: dəvardə sori muğaisədə ım miğdor ixracat, erji cəhəto, 11 fayiz və vəzni cəhəto 16 fayiz əlovə bey nışoş do.

Kermanşah qomroki yol ijən əlovəş kardə: dəvardə 5 manqi mıddətədə, 1 milyardo 193 milyono 848 həzo 416 dollar əmtəə de 3 milyono 10 həzo 437 ton erj Kermanşah ostani qomrukonku bə co kişvəron ixrac bıə.