Bə Pakistoni hərbi ğıvvon terroristiyə həmlə, ,İroni tərəfo məhkum bıə

İroni xarıci vəzorətxonə sıxənəvot, bə Pakistoni hərbi ğıvon Pencşəmbə ruji terroristiyə həmlə məhkumış kardə.

Bə İran Peres aqentiyəti raporti əsos, Nasır Kənani bə Pakistoni ərtış, devlət iyən kıştə bıə kəson ayiləon təsliyət votışe və Xıdoku ım terroristiyə həmlə zəxmin bıə kəsonro çokəti iyən səloməti tələb kardəş.

Pencşəmbə şəv, Pakistoni mediyaon elan kardışone Xeybər Pextonxa ştati cənubədə Beno şəhrədə bə ərtışi ğıvvon kərvonon intihori həmlə dumoədə 9 nəfər hərbi ğıvvə kıştə iyən 17 nəfər həm zəxmin bıən.

Pakiston telqeraf ki Pakistoni polisi mənbəonku nəğlış kardə, elanış kardə intihori amil de motor neştey bə ico, ıştəni ərtışi ğıvvon kərvoni miyonədə tepemonış kardə.