Rəyisi Asiyaədə İroni nevcıvonə taekvondokoron ğəhrəmonəti təbrik votışe

İron İslom Respublika prezdent Seyd İbreym Rəyisi qıləy mesajədə Livanədə Asiya nıcıvonon taekvondokoron 5minnə rəğabətonədə İroni kinəon milli komanda ğəhrəmonəti iyən İoni zoəon milli komanda nığə medali kəsb kardey təbrik votışe.

Bə İRna raporti əsos, Seyd İbreym Rəyisi mesaji mətnədə omə: Livanədə Asiya nıcıvonon taekvondokoron 5minnə rəğabətonədə çəmə kişəvəri kinəon milli komanda ğəhrəmonəti iyən İoni zoəon milli komanda nığə medali kəsb kardey, co kərə İslomi mihəni hırdənon ləyoğətin bə nımoyeş noə bıə və fəxr iyən mıbohati bois bıə.

Im umoəbaxşə muvəffəğiyət əktiv iyən zumandə millətiku ruşinə nışonəy ki muxtəlifə baxşonədə fəxrinə ğulləon fəth kardeyro həmişə cəhd kardedə.

Im mesaji oxoədə omə: az bə İroni yolə millət, ım varzışi baxşi varzışkoron iyən mırəbbiyon  ım dəvəşə muvəffəğiyəti təbrik voteydəm və əvonku ğədrdonəti kardedən və varzış iyən cıvonon vəzorətxonəku tələb kardedəm ki de himoyəon əlovə kardey vositə dəvardəku vey çəvon veyə iftixoron iyən ozavziyə icod bıkon.