Aya israyil və Tırkiyə miyono mınoğişə neze?
Tırkiyə xarici koon vəzir Hakan Fidan mislış nıbə qıləy sıxanədə israyilış bənə "sabitəti darıştə ğıvvə" və məntəğədə"çe repressiya,xaos və anarxiya" səbəbi təsvirış kardə.
Fidani həmçinin xəbərdorətiş kardə ki,Tel-Aviv Ğəzzədə deştə siyosəti bə israyili ələyh qlobal iştimoyi rayi şiddətinə şikilədə əvəzış kardə və realəti həni de medya əməliyyoton vositə niyon kardey mumkin ni.
Bımi cəvobən çe israyili xarici koon vəzir Qideon Saari ın sıxanonış "ojə-oşkoə təxribot" və "ğəbul bıənin nıbə" zınəşe və bə NATO uzvə devlətonku əvoni məhkum kardeyış piyə.
Çımi bənav AİŞ-on de Terrori Muborizə Mərkəzi sabiğ direktor Co Kenti votəşe:Trampi NATO-ku beşeyədə isrorin bey,çe israyili bə Tırkiyə hucumədə boəy mışoyiət kardey və bəy dastəki imkon icod kardey be.
Beynəlxalğə analitikon hisob kadedən ki,çe israyili əsosə məğsəd Ğərbi Asiyadə zu strukturon zəyif kardey və təcziyə kardey və "nuyə Nezə Şərği" icod kardey be.
Mışohidəçiyon jıqo hisob karsedən ki,Suriya hukuməti suğuti bədiqə israyil de ziyodə hərəkəti ozodəti ıştə ekspansiyonistə hərəkəton dəvəm bədoe.
Və məntəğədə bə co hiç qıləy ğudrəti ğəbul nıkardeyro noçorən,bə de Tırkiyə bıə mınoğişə daxil bəbe.Və sıxani canqi jıqo ziyodəti bo meydoni mınoğişə hozzıətiro bıə əlomət bey bəzıne.
