Zarepur:İron peyk istehsol sahədə çe dınyo iminə 25 məmləkətonku qıləyniye.

İroni rabitə və informasiya texnologiyəon vəziri elonış karde edib: İron peyk istehsol sahədə çe dınyo həmməysə çokə 25 məmləkətonku qıləyni və peyk vodoey sahədə sıftənə 10 qılə kişfəronku qıləyniye.

“İsa Zarepur” zinə (çoşənbə) hukuməti şurə iclosi kənoədə bə İroni mətbuati muxbiri “zəmini de vey barzə dəğiğəti ranginə təsviri bekardey zınə peykon malik bıey səbəbiku çe İroni kosmos sənaye torıxədə mevğey həxədə” votəşe:əmə peyk soxtə 25 məmləkətonku qıləynimon.

Çe İroni rabitə vəziri bə kişfəti de vey barzə dəğiğəti zond peykon icod kardey ğabiliyyəti təkid kardə holədə əlovəş karde: “çandə ruj bənav əmə “Tulu ya Şəfəğ 3” peykımon bə orbit vığandero təhvil semone və bo təxminən bir metri dəğiğətiro çəmə dastədə mığoviləon heste və de tobə çın hukuməti oxo çəmə mıtəxəssison  tərəfiku icro kardey bəbe.

Zarepur peşo çe İroni peyk vodoey sahədə 10-ə qlobal reytinqi barədə məlumot doəşe və votəşe: “əmə bə orbiti peyk vodoey sahədə iminə 10 qılə məmləkəton miyonomon və çəmə  vodoey texnologiyə həm sabit və təsbit kardey beydə ki,ta əmə bə zəmini orbiti 500-600 km məsofə ıştə zondə peykon bekəmon.