Mustəfa(s)-i mıkofoti iclosədə 40 qılə kişvəriku, mısılmonə alimon iştirok kardedən

Mustəfa(s)-i elm iyən texnoloqiya mıkofoti 5minnə iclosədə 40 qılə kişvəriku, mısılmonə alimon iştirok kardedən.

Bə İrna raporti əsos, Mustəfa(s)-i elm iyən texnoloqiya mıkofoti 5minnə iclosi mizbon, İsfəhani sərkatibi rəsmi şəxs Huseyn Rəbbani votışe: mısılmonə alimon ki muxtəlifə ictimaonədə iyən bəşəriyəti ozavziyədə çəvon elm iyən texnoloqiya əsəron iyən fəaliyəton vey təsirin be, ım iclosədə ki Sentiyabrə manqi 29 minnə rujədə İsfəhanədə bino bəbe və tosə Oktiyabri 4minnə ruj dəvomış heste, iştirok bəkan.

Rəbbani ijən bəyonış kardə: ım beynəlxalğə iclosi nışo doeyro həm 50 qılə xarıci mediyaku dəvət bıə, əv ijən əlovəş kardə: Mustəfa(s)-i elm iyən texnoloqiya mıkofoti 5minnə iclosədə təğribən 150 qılə xarıci mehmon iştirok bəkan ki İroni kişvər və İsfəhani şəhri zıneyro səfironi  bə həmmə dınyo bəben.