İroni mıdofiyə vəziri bə AİŞ hukuməti nati dızdiyey bıə reaksiyə

Çe İroni iqlə natə tankeri dızdiyey və çəy nati çe Amerkə hukuməti tərəfiku bəsə zəminisə rukardey cəvobən,çe İroni mıdofiyə vəziri votəşe:Amerkə hukuməti hərəkət hiç qıləy şikildə dınyoədə ğəbul nıbə qıləy dızdiyətiye.

AİŞ Ədliyyə Vəzərotxonə 19 manqi bədiqə sentyabrə manqi 8-də "Suez Racan" nomo çe İroni iqlə nat kırnə tankeri bə dast vardeyış təsdığ kardə.

“The New York Times” həm bın nezono ıştə nıvıştə xəbədə ğeydış kardə ki,Amerkə şirkəton bə dast vardə bıə İroni iqlə nat kırnə tankeri təyli kardeyku imtino kardey bədiqə,Vaşinqton de Konqresi təzyiği çe İroni ım nati bə Çini bardero bəhonə kardə holədə həmonə tankeri boş təyli kardə.

İroni Silohinə Ğıvvon Mıdofiyə və Dastək Vəzir Briqadə komandir Məhəmmədrıza Ğərayi Aştiyani bə İroni Tələbə Xəbə Agentəti(İSNA) mısohibədə votəşe ki,çəmə intizor hestebe ki,amerkəvıjon ıştə hərəkəton obəqəteyn iyən ıştəni çımisə həm ziyodə məşğul nibəkardeyn.

Əy əlovəş kardə:İron Farsi xəlicədə çe Amerkə kəştiyon hərəkəti səbəbiku strateji və bə vey əhəmiyyətinə qıləy mevğey malike.İroni Mıdofiyə Vəziri əlovəş kardə: Enerji nəğliyyot xətton çe Farsi xəlici məntəğəku dəvardedə və İron bə ın xətton nəzorət kardedə,əve bo İroni çe Amerkə nat kırnə tankeron oqətey mumkine.