İslomi İnğilobi Yolə Rəhbər: kişvəri cıvonon karde bəznen həmmə problemon həl bıkon

İslomi İnğilobi Yolə Rəhbər çand həzo cıvoni estedadon ozavziye, muğəddəsə mudafiə şovğ icod karde həğiğətonku zınəşe və təkidış kardə: kişvəri cıvonon karde bəznen həmmə problemon həl bıkon.

Imruj Çoşəmbə İslomi İnğilobi Yolə Rəhbər çand həzo “muğəddəsə mudafiə lideron və veteranon iyən icbor bıə canqi təbyin və rəvoyət kardə kəson muxtəlifə baxşon əktivon” vindemonədə təkidış kardə: İslomi yolə inğilob, qıləy mislış nıbıə hodisə be boçi ki tosə ə zəmon qıləy inğilob ki çəy nəticə həm diniyə hukumət bıbu iyən həm bə milləti əsos bıbu, dınyoədə mucud nıbe və dınyo yolə şəxətion pidəşon be ki ım nuyə sıxən yəni İslomi Respublika və dini demokratiya məhv bıko ki tosə ısət həm həminə hədəfi dumoədən.

Bə İslomi İnğilobi Yolə Rəhbəri təşkiloti məlumatərosnə mərkəzi raporti əsos, Həzrəte Ayətullah Xamenei ıştə sıxənon dəvomədə əlovəş kardə: Amerkəvıjon əlovə bə dəvominə məlumati koməkon, bə təcavuzkoron canqi taktiki metodon həm təlim ədin, Fransəvıjon həm həvoiyə vey inkişofinə təchizaton bə Səddam doşone, Almaniyavıjon həm kimiyəvi fociə icodəkə silohon istehsoli cəhəto Səddami təchiz əkin, Şərği bluka de nakonə səvet hukuməti rəhbəriyəti, harcurnə zəmini və həvoiyə imkanaton Səddam ixtiyorədə ğəror ədin və məntəğə ərəbon həm be hisobə pul bəy ədin.

İslomi İnğilobi Yolə Rəhbər de məntəğə ərəbi kişvəron və Səddam iyən mıstəkbiton cəbhə canqədə bə İroni millət iyən İslomi Respublika coyləti işorəş kardə iyən hamiyəşe: jığo nobərobərə canqədə millət səbarz bıə və ıştə əzəməti və barzəti nışoş do.

Ə Həzrət, ərzi təmamiyyəti oqətey və hətto əzizə İroni sərzəminiku 1 baxş həm co nıbey əcumlə ım muvəffəğiyətonku zınəşe və hamiyəşe: milləti yolə zumandətion oşko bey, muğəddəsə mudafiə vey muhimmə əsəronkue, həğiğətədə  millət ıştə əzəmət və zərfiyəti muğəddəsə mudafiə ovəynədə kəşf iyən bovə kardəşe boçi ki 8 sorə həmmə deşmonon bə çəy ələyh həmkoəti kardışone əmmo muvəffəğ nıbıə hiç ğələt  iyən səhvi bıkon.

Həzrəte Ayətullah Xamenei ıştə sıxənon dəvomədə hamiyəşe: bə ım vey muhimmə muvəffəğiyəti əsos, muğaviməti beynəlxalğə məno icod bıə və Fələstin, Suriyə, İrağ və co qılə məntəğəonədə əməli bıə iyən Asiya, Afrika və Latin Amerkə muxtəlifə məntəğəonədə İroni milləti koon co qılə millətonro bənə simvol bıə.

İslomi İnğilobi Yolə Rəhbər bəştəni təkyə kardey mədəniyəti icod və mehkəm kardey muğəddəsə mudafiə mecuzə zınəşe və hamiyəşe: dınyo zu votə kəson bə muxtəlifə illəton xoto bə çəmə muhimmə məntəğə təmə çəşışon be iyən heste və bə həminə xotoe ki İron İslom Respublika mənəviyə iştirok və muğaviməti mədəniyəti hevujəti, Amerkə və co qılə kişvəron sədo barz kardəşe boçi ki milləton muğavimət çəvon mənafe tələbətiro mane icodış kardə.