İnğilabi yolə rəhbər:çıman tələb daxiliyə istihsaliku tərəfdarəti kardeye.
İroni islamiyə inğilabi yolə rəhbər zinə Rəzəvi pokə hərəmi zairon iyən ətrofədə bıəkəson əzəmətinə huzurədə votışe: ımsor ixtisadi muhimmə hərəkəton ehtiyuc be cəhətdə məmləkətiyu muhimmə sore.
Bə telerədyo aqentəti xəbon əsosi Həzrət Ayətullah Xamenei deşmeni hədəfış bə ironi milləti zid ixtisadiyə təziğon nışon does zınə və votışe:əvon pidəşone milləti İron İslam Respublika nizomiku dılsard iyən məyus bıkən.
yolə rəhbəri işarəş karde zumandə ixtisadiku bə kəno nibəznemon bə dəvominə izzət(yoliyəti) iyən əmniyyət rəse və bəpe ımon təmin bıkəmonş
milliyə vəhdətiku bə kəno iyən de nizom milləti umumiyə əlağəku bə kəno ım tələbon bə dast nibomən.
inğilabi yolə rəhbəri ıştə sıxanon dəvomədə ki Rəzəvi pokə hərəmədə bəyonış karde votışe ki məmləkəti omə rojonru əsosə məsələ milliyə istihsaı və daxiliyə istihsal heste və çıman tələb bovə bə daxiliyə istihsal heste.yolə rəhbəri ko və fəaliyyəton inkişafış istidadon perosne cıvonon tojə tədbiron məmləkəti etjinə valiyotaku istifadə nıkarde bə kəno noə bıə polon bə ko dəğande iyən ixracati rost kardeş istihsali rost karde foydəon iyən əsəronku zınəşe.
inğilabi yolə rəhbəri məmləkəti istihsali inkişf doeyu bə məsul şəxson muhimmə roli işarəş karde və votışe: muhimmə məsəlonədə həmmə milləti məsuliyyət ğəbul karde daxiliyə istihsalədəy.
yolə rəhbəri daxiliyə istihsali inkişaf doe roon barədə votışe: daxilədə istihsal bıə vəsiləon idxal karde bəpe şəri və ğanoni cəhətonədə hərom zıniyə bıbo..
islami inğilabi yolə rəhbəri həmçinin məmləkəti mudafiyə və hərbiyə məsəlonədə bə dast omə nəticon ve çokış zınə və əlavəş karde məmləkəti ki hərbi cəhətdə inğilabiku bə nav mutləğ bə xaric vabəstə be əv həm bə deşmenoni bənə Amerkə ımruj çəy fəaliyyəton deşmeni çəşonış qətə və əy xışmqin kardə.
Həzrət Ayətullah Xamenei ıştə sıxanon dəvomədə əlavəş karde de ğətiyyəti votedəm əqər mıxtəlif baxşonədə mudiriyyət dindar inğilabi və bəkarəvo bıbo məmləkəti həmmə problemon həl bəben və əmə həl nıbə problemımon ni.
yolə rəhbəri əlavəş karde İron qıləy sərvətmandə məmləkəte və hələbəs ni ki istimarçion bəy təməkarə çəşışon heste əmmo ım arızo bə qur bəban.
inğilabi yolə rəhbər peso bə vıjnımoni məsələ işarəş karde və votışe: çəmə məmləkətdə vıjnımon ve muhimme ne fəğət prezidenti vıjnımon bəlkə məclis şuraon vıjnımon həm jıqoye vıjnımon bə diniyə bovəon əsosi demokıratiya 2 qılə məsəlonku qıleni bə hisob omedə.
Həzrət Ayətullah Xamenei Rəzəvi hərəmədə ıştə sıxanon dəvomədə vıjnımonədə həmmə odəmon iştirak kardeş 1 minnə əhəmmiyyətış zınə və əlavəş karde ım çəmə muhimmə tələbe.
yolə rəhbəri vıjnımonədə bə ğanoni əsosi əməl kardeş zəruri zınə və işarəş karde milləti vıjnımoni nəticə har çi bıbo etıborin və ğanoni heste.
islami inğilabi yolə rəhbəri votışe: az vıjnımonədə bə arə dənibəşem və fəğət ilə vırədə bə arə dəbəşem və əv həm ə vırəy ki kəsoni bıpiyoşone milləti doə sədo və vıjnımoni vədə bımandon və piyarış bıkən və milləti doə bə rəy ya sədo barışton.
yolə rəhbəri votışe:vıjnımoni çok bərpo bıkən millət səbarz bəbe və deşmen həm de ilahiyə tofiği heç qıləy ğələt əkə ni.