Çe dışmonon fitnəon vədə, mısılmonon vəhdət

İslomi vəhdəti beynəlxalğə 37minnə konfransi bərpo kardey rəsmi şəxs votışe: mısılmonon de deşmonon fitnəon vədə mubarizə bardey cəhətədə, bə iteqrasiya iyən vəhdət dast peydo karedışone.

Seşəmbə rujədə islomi vəhdəti beynəlxalğə 37minnə konfransi bərpo kardey rəsmi şəxs, Məhdi Ağa Muhəmməd, İran Peresi aqentəti ixtisosiyə soali cəvobədə votışe: ım iclosi bərpo bey vey barzə iyən muhimmə nəticə, siyosi baxşədə təsirinə şəxson iyən yolə muftionku dəvət kardey be.

İslomi vəhdəti beynəlxalğə 37minnə konfransi bərpo kardey rəsmi şəxs ijən təsdiğış kardə: deşmoni oxonə fəaliyəton iyən cinoyəton de sionist rejimi rəhbəriyəti, dəvardəku vey mısılmonon miyono vəhdət icod kardey bois bıən.

Ağa Muhəmməd ijən əlovəş kardə: kali Avropa kişvəronədə Ğıron sutey, mısılmonon miyonədə zumandə heqemonəti icod kardəşe.

İslomi vəhdəti beynəlxalğə 37minnə konfransi bərpo kardey rəsmi şəxs ijən votılşe: ım konfrans 2 qılə baxşədə yəni vebinar iyən iştiroki baxş, bərpo bey holədəy, vebinar baxşədə universiti ustafon  iyən dini alimonku 256 nəfər natığ de 3 zıvon nıtğ kardışone iyən iştiroki baxşədə həm İron, dınyo 43 qılə kişvəriku 110 qılə mehmoni mizbonış heste.