Rəştədə Huseyn(ə)-i sıpiyərişə rozəxonon beynəlxalğə iclosi ojbemon

Qiloni ostani Zibakənari kompeleksədə Huseyn(ə)-i xadimon iyən sıpiyə rişə rozəxonoku ğədrdonəti kardey 20 minnə beynəlxalğə iclos oj bemoni mərosim bərpo bıə.

Bə İrna raporti əsos, ım iclosədə ki Seşəmbə şəviku bino bıə və tosə 3 ruj dəvomış heste, İroni həmmə vırəonku məddahon iyən sıpiyə rişə rozə xonon iyən 12 nəfər xarıci məddohon Əfğanıston, Pakiston, Taylənd, Omman, Tırkiyə, Livan, Hındıston iyən İrağ kişvəronku iştirokışon heste.

Huseyn(ə)-i veteranə xadimon iyən rozəxonə xanımon məxsusə iclosi iminnə kərəro bərpo bey, Rəştədə İmom Rıza(ə)-i hovə, Həzrəte Fatiməye Uxra(ə)-i pokə hərəmədə ım veteranonku ğədrdonəti kardey, ım şəhri Ozodə unevertədə ənənon şeri şəvi bərpo bey, Qiloni muxtəlifə şəhronədə rozəxonon iştirok, Rəşti Qolzare şohədaədə Şəhidon yolqətey mərosim bərpo kardey iyən Rəşti İmom Xomeyni(r)-i musəllaədə oxonə mərosimi bərpo kardey ım iclosi vey muhimmə bərnoməonkue.