İron və Omani mıbodiləon mığdor 23 fayiz ziyod bıə

Omanədə İroni ticori məşvərətəkə, dəvardə 6 manqi mıddətədə 2 qılə kişvəri miyono ticori mıbudiləon 23 fayiz əlovə beyku xbəş do.

Bə Təsnim aqentiyəti raporti əsos, Omanədə İroni İslomi Respublika səforətxonə ticori məşvərətəkə Mehrdad Fəllah Orimi votışe: dəvardə 6 manqi mıddətədə bə Oman əmtəə ixracat, bə 635 milyon dollar rəsə ki dəvardə sori muğaisədə erji cəhto 16 fayiz əlovə bey nışoş do.

Flah Orimi əlovəş kardə: həminə mıddətədə Oman, İroni ixracati hədəf kişvəron miyonədə 8minnə vırə iyən hamsuyə kişvəron miyonədə 6minnə vırə və ijən İroni ixracati tərəfi Fars dıyo həmkoətion şura kişvəron miyonədə 2minnə vırədə ğərorış qətə.

Omanədə İroni ticori məşvərətəkə votışe: İroni həmmə ixracatiku Omani vojori səhm, 2.6 fayize və proqonoz bıdə ki de nəğliyot həmkoətion inkişof və maneon  peqətey, 2 qılə kişvəri miyono ticori prosses bə inkişof bırəsi.

Fəlah Orimi ijən əlovəş kardə: dəvardə 6 manqi mıddətədə, 2 qılə kişvəri miyono ticori mıbudiləon miğdor, dəvardə sori muğaisədə, 23 fayiz əlovə peydoş kardə.

Omanədə İroni ticori məşvərətəkə de işorə bə Omani vojori xusiyəton və Oman iyən İron İslom Respublika miyono stratejik və dustanə rabitəon, bə ım kişvəri ixracati zəminəon hozzoe.