Fələstini təhəvvulaton barədə İroni xarıci vəziri məşvərəton dəvom; de Həniyyə Əmirəbdulahiyani vindemon

Zinə şəmbə və Dohaədə İroni xarıci vəzir Huseyn Əmirəbdullahiyan, Fələstini təhəvvulaton barədə ıştə məşvərəton dəvomədə de islomi muğaviməti hərəkəi (HƏMAS) siyosi dəftəri yol, İsmail Həniyyə vindemon iyən votımonış kardə.

Bə İrna raporti əsos, Ələğsa Tufani əməliyoti səbarzəti bəpeşt, Həniyyə ım iminnə rəsmi vindemone ki de İroni rəsmi şəxson ənco bıə.

Sioniston faciəomizə məğlubiyət və kali şəvon qədə şəhron və hərbi vırəon  dastiku doey , bois bıə ki dəvardə rujonədə ım rejimi yolon bə Ğəzzə be qınohə millət və ğeyri hərbiçion həmlə kardey holədən və de çəvon mıhosirə kardey canqi cinoyət əncom bıdən.

Əmiəbdullahiyan sionist rejimi cinoyəton vəy qəteyro bə İrağ, Livan, Suriyə və Ğətər deştə məntəğə səfəron təğibış kardə.