Əmirəbdullahiyan: Ğəzzə ğətli-am oqətey nıbu, məntəğədə həmmə tərəfon mıdoxilə bəkardeyn

İron İslom Respublika xarıci vəzir təkidış kardə: Ğəzzədə hırdənon və jenon ğətli-am iyən təcavuzon təcili ğət nıbu, məntəğədə hmmə tərəton mıdoxilə bəkarden.

İroni xarıci vəzir, Huseyn Əmirəbdullahiyan bə muğavimət mehvəriyə kişvəron və de İrağ, Suriyə, Livan və Ğətəri ali rəsmi şəxson vindemon və de Livani Hizbullah sərkatib və HƏMAS-i siyosi dəftəri rəyisi vindemoni bəpeşt, bə Tehron oqardəşe və jurnaliston cəmədə ıştə səfə hədəfon və nəticəon şərhış do.

Bə Tele-Rədio aqentiyəti raporti əsos, İroni xarıci vəzir de işorə bə 4 qılə kişvər yəni İrağ, Suriyə, Livan və Ğətəri səfəron votışe: Fələstini muğavimət bə ım məsələ təkidış heste ki bə sionist rejimi canqi cinoyəton cəvob doeyro lozimə imkonaton mevcude əmmo noçi ki israili rejim meydonədə zəife, bə jenon, hırdənon və ğeyri hərbiçion ğətli-am mıtəmərkiz bıə.

Əmirəbdullahiyan ijən əlovəş kardə: İron İslom Respublika Fələstini milləti həxonku mudafiə kardey, məntəğə əmniyyət və sionist rejimi canqi cinoyəton məhkum kardey cəhətədə,,, islomi həmkoəti təşkiloti iclosədə xarıci vəziri səthədə əktivə iştirokış bəbe.

İroni xarıci vəzir ijən votışe: məntəğə vəziyət bənə barute ki har saət qıləy yolə tepımoni icod bey imkonış heste.

Əmirəbdullahiyan ijən təsdiğış kardə: ım videmononədə bə Amerkə ciddiyə nota doə bıə ki karde zınəş ni ki həm muğavimət və həm co qılə kişvəron bə sıbr dəvət bıkon və həm canqi bə inkişof nırəseyku sıxən bıvot əmmo ıştən israli məğlub bıə rejimi kənoədə bımando və pidəş bıbu ki sonist rejimi siyosi, əmniyyəti, beynəlxalğ və hərbi məğlubiyəti ım rejimi deştə itərəfiyə himoyə əvəz bıkon.

İroni xarıci vəzir ijən təsdiğış kardə: sərost surət, məntəğədə muğavməti cəhbəon po oj bey ehtımol və harcurnə bədiqənəticəon məsuliyət bə Amerkə iyən sionist rejimi ohdəy.