Rəyisi: Fələstinıjon hər ğətrə xun, sioniston i qəm bə suğuti nez kardedə

Tehroni milləti yolə ictimoədə və sionist rejimi cinoyəton məhkum kardeyədə, İron İslom Respublika prezdent votışe:

Bə Fars aqentiyəti raporti əsos, ım bə milləti əsos bıə yolə ictimaədə İron İslom Respublika prezdent Seyd İbreym Rəyisi təsdiğış kardə: ımruj islomi ummətiro umumi əzoə ruje  və insoniyət  iyən həmmə aqah və de vıjdoninə milləton ro umumi əzo  bə hisob omeydə.

Rəyisi ijən bəyonış kardə: əlovə bə Mosad cəsusi təşkilot, 6 qılə co qılə əmniyyəti təşkilot həm sionist rejimiku himoyə kardedən ijən təsdiğış kardə: əlovə bə sionist rejimi əmniyyəti məğlubiyəton dınyoədə qıləy umumi nifrət həm ım rejimi dəhşətinə cinoyəton vədə icod bıə və ımruj hiç kəs ni ki dınyoədə sionist rejimi cinoyətkor zıneydəş ni.

İron İslom Respublika prezdent həmçınin de işorə bə işğol bıə ərazi Amerkəvıjə ali rotbə rəsmi şəxsoni iştirok votışe: xarıci vəzir, mudafiə vəzir, Sentkami komandir, Amerkə prezdent, həmmə işğoliyə sərzəminonədə iştirokışone və meydoni ixtiyor Amerkə dastədəy.

Rəyisi ijən əlovəş kardə: de ım himoyəon sionist rejim karde zınəş ni ki ıştə məğlubiyəti əvəz bıko, və bə Ğəzzə noxəşxonə dəhşətinə həmlə, bə sionist rejimi hukuməti oxo qıləy binoekə hərəkəte.

İron İslom Respublika prezdent həmçınin beynəlxalğə təşkilaton və kişvəroni ki Ğəzzədə bə noxəşxonə həmlə cərəyonədə sionist rejimi dəhşətinə cinoyəton məhkum kardedə soal kardedə: aya ım hodisə məhkum kardey kifoyət kardedə və milləton bə ım hodisə məhkum kardey rozi  bəben və aya ıştə nifrəti elan kardey kifoyət kardedə?

Rəyisi ijən bəyonış kardə ki ımruj mısılmonə milləton təsirinə hərəkəti intizorədən ijən təkidış kardə: ım milləton irodə iyən tələbe və de islomi umməti dasti vositə, həmmə cinoyətkoronro saxtə intiğom intizorədəy.