Maştə Tehronədə, "3+3" xarıci vəziron iclos bərpo bəbe

Maştə Tehronədə, və de Azərbaycan R., Erməniston, Rusiyə, Tırkiyə və İroni iştiroki, "3+3" 2minnə iclos bərpo bəbe.

Bə İrna raporti əsos, Azərbaycan R., Erməniston, Rusiyə və Tırkiyə kişvəron xarıci vəziron de İroni xarıci vəziri mizbonəti maştə Tehronədə "3+3" 2minnə iclosədə iştirokiro iclos bərpo bəkan, ta Cənubi Ğəfğazi məsələon iyən siyosi, iğtisodi, əmniyyəti, tranziti iyən enerji baxşonədə məntəğə həmkoətion hevujətiro məsələon təğib bıkon.

De məntəğə kişvəron iştiroki iyən ğərbi və beynəlxalğə kişvəron mıdoxilə nıkardey, məntəğə muşkilaton həl kardey ım məntəğə qrupi vey muhimmə icod bey hədəfonin və bə çəy əsos, Erməniston və Azərbaycan R. miyono sulh votımonon əncom doey, maştə  iclosi mehvəronku qıləynie.

Tojədən, Ermənistoni iminnə vəzir, Nikol Paşiniyan elanış kardə be ki bə Azərbaycan R. prezdent İlham Əliyevi təklifi əsos, de "3+3" ğolibədə iclos bərpo kardey ıştə himoyə elanış kardə.

Dəvardə sorədə Moskvaədə xarıci vəziron muavinon səthədə, və be Qurcıstoni kişvəri iştirok "3+3" iclos bərpo bıə be.