Tehroni cımə nımoji xətib: Ələğsa Tufani ruj, Fələstini milləti Əl-Bərəkə ruje

Tehroni cımə nımoji xətib d işorə bə Ələğsa əməliyoti nəticəon votışe: Ələğsa Tufani ruj, bəpe Fələstini millətiro Əl-Bərəkə ruj və sionist rejimiro Yəomul nəkbə ruj bıznəmon.

Bə Tele-Rədio raporti əsos, Tehroni ım haftə cımə nımoji xutbəonədə Tehroni cımə nımoji xətib, Huccətul İslom Muhəmməd Cəvad Hac Əli Əkbəri bəyonış kardə ki ım rujon Fələstini məsələ vey muhimmə mevzoe ijən əlovəş kardə: Ələğsa Tufan tərkibi vey yolə əməliyote iyən çəmə zəmonədə torixi vey muhimmə noğtə icodış kardə ki məntəğə və dınyo torix bəpe bə Oktiyabri 7( Mehr manqi 15) minnə ruji bənav və bəpeşt təğsim bıbu.

Cımə nımoji xətib ijən təsdiğış kardə: Ələğsa Tufani əməliyoti illət, sionist, Amerkə və Avrpo qlobal labi vədə, 75 sor işğol kardey iyən 16 sor mıhosirə reaksiyae ki çəvon əsos iyən rişə və huviyyət, bə insonon jimoni təhğir, təxrib və ğətli-ame.

Tehroni cımə nımoji xətib ijən de işorə bə ım ki dəvardə rujon hodisəonədə ğərbi demokratiya liberal və həğiğiyə sima nışo doə bıə iyən votışe: həmmə dınyo vindeşone ki Amerkə iyən Avropavıjon de tarsi ıştəni bə işğol bıə sərzəminon rosneydən əmmo sionist rejim ki xərçənqi noxəşəti iyən mardey holədəy, oxonə əməliyotədə vey zərəl vindəşe, hiç vaxt sə po nibəbe.