Asiya boks rəğabətonədə İroni nocıvonə varzışkori ğəhrəmonəti

Ğəzaxıstoni Astanədə Asiya Ğəhərmonəti rəğabətonədə İroni nocıvon bə Tıle medal dast peydoş kardə.

Bə Tele-Rədio aqentiyəti raporti əsos, 66 kiloqerəmə vəznədə, İroni nocıvon Muhəmməd Saleh Mesbahi ki de Ozbəkiston, İurdaniya və Tacikistoni varzışkoron rəğabətış kardə be iyən bə final rəsə be, Ğəzaxıstoniku qıləy hərifi vədə səbarz bıə iyən bə tıle medal rəsə.

75 kiloqerəmə vəznədə həm co qılə İroni varzışkor, Əbdul Rəhman dara de Ozbəkiston və Viyetnami nımoyəndəon vədə səbarz bıə və bə final rəsə, Finalədə de Alpisbayef, Ğəzaxıstoni varzışkorku mubarizəş kardə iyən bə 2minnə vırə rəsə və nığı medal kəsbış kardə.

Çımiku bənav həm 60 kiloqerəm vəznədə Əşkan Haşımi, 63 kiloqerəmə vəznədə, Əmir Muhəmməd Rostəmpur və +80 kiloqerəmə vəznədə Əbbas Qərşasbibə bırınci medal rəsəşon be.

Asiya ğəhrəmonəti Boksi rəğabətonədə İroni komanda de 5 qılə ranqinə medal əcumlə 1 qıl tıle, 1 qılə nığə və 3 qılə bırınc bəştə ko bə oxo rosnişe.