Fələstini təhəvvulaton barədə İron və Misri xarıci vəziron votımon

İron İslom Respublika və Misri xarıci vəziron Fələstini cari təhəvvulaton barədə telefoniyə votımon əncom dodən.

Bə İrna raporti əsos, Dışəmbə şəvədə və ım votımonədə İroni xarıci vəzir Huseyin Əmirəbdullahiyan de işorə bə İron və Misri mıvğiyət bənə İslomi 2 qılə vey muhimmə kişvər, Fələstinədə bə cari behronon və Ğəzzə və ğərbi sahilədə bə ğeyri hərbion ələyh israil rejimi vəhşiyə həmləon bə oxo rosniye roon barədə 2 qılə kişvəron miyono məşvərəton dəvomi vey muhimm zınəşe.

Əv ijən de təkid bə Ər-Riyadədə İslomi kişvəron yolon vəoməy iclosi əhəmiyyət, Tehron və Ğahirə mıştərəkə məşvərəton dəvomi ıştə hozzoəti elanış kardə.

Əmirəbdullahiyan ijən Mirsi royku bə Ğəzzə humanitarə koməkon vığandeyro bə  İron İslom Respublika sıə hiloli cəmiyəti hozzoəti təkidış kardə.

Im telefoniyə votımonədə Misri xarıci vəzir Sameh Şokri bə Ğəzzə sakinon beynəlxalğə humanitarə koməkon vığandeyro Misri hərəkəton barədə raportış do iyən həminə cəhətədə İronb İslom Respublika və islomi və ərəbi kişvəron cəhdonku ğədrdonətiş kardə.

Sameh Şokri ijən Ğəzzədə otəşvasti icod kardey və bə canqi oqətey komək kardeyro bə 2 tərəfi və çand tərəfiyə məşvərəton dəvomi və bə Ğəzzə milləti humanitarə koməkon vığandey təkidış kardə.