Taşkənd EKO yolon 16 minnə iclosi mizbonəti

Noyabrə manqi 8 iyən 9 minnə rujonədə Taşkənd şəhrədə, de Ozbəkistoni prezdent Şokət Miziyayevi rəhbəri, İğtisodi, həmkoəti Təşkiloti uzv bıə kişvəron 16 minnə iclos (EKO) bərpo bəbe.

Təyin bıə ki Taşkənd iclosədə, İron İslom Respublika, Tırkiyə, Pakiston, Tacikiston, Azərbaycan R., Ğəzaxıston, Ğırğizıston və Tırkəməniston yolon iştirok bıkon.

Im iclosədə həmçınin dəvardəku vey və iğtisodi həmkoəti təşkiloti çərçivədə, iğtisodi və ticori həmkoətion, investisiya, nəğliyot və tranziti koon, humanitarə məsələon və kamiunikasiya hevujəti təğib bəbe.

Həminə cəhətədə, məntəğə məsələon ekspert, Ğasım Beyk Muhəmməd etığadış heste: be şək bə ozodə ovon rəseyro, Tacikiston və co qılə Ğəfğaz və mərkəzi Asiya kişvəron royku,  İron İslom Respublika vey muhimmə kişvər bə hisob omeydə və ım miyonədə Çabəhari port ım məntəğəro vey mınosib və stratejikə bəndər bə hisob omeydə. Im portədə sotey koon vey rə əncom bəbe və xarıci kişvəron diğğət bə Çabəhar vey barze.

İron İslom Respublika prezdent ki bə Ozbəkistoni səfə kardey bənav bə Tacikiston səfəş kardə be, elanış kardə: EKO uzv bıə kişvəron miyono iğtisodi cəhəto har çəxtə dəçokney qıləy mehvəriyə məsələy və Taşkənd iclosədə həm bə EKO iğtisodi təşkiloti nakonə icloson əsos, məsələon təğib bəbe.

Cəmədə votey lozime ki Taşkəndədə EKO yolon iclos, iğtisodi həmkoəti ım uzvonro co qılə fırsət icod bəkay ki çand tərəfiyə mıştərəkə həmkoətion zumandətiro cəhd bıkon və ım səmimiyə iclosi çərçivədə vey muhimmə təvafuğnoməon bə imzo bırosnon.