İroni Yolə Rəhbər: zumandə İron, zumandə varzış
İroni Yolə Rəhbər: Tufan-Ələğsa hodisədə bə sionist rejin texniki cəhəto zərbə varid bıə anədə ki ın rejim deştə cinoyəton həm ın məğlubiyətiku fəror karde əzı ni iyən taleədə həm çəy əvəzi doey xoto zuş ni.
Həzrət Ayətullah Xamenei ımruj de Hanqjo paraoləmpiya, Asiya hənəkon, ğahrəmanon, varzışkaron iyən varzış fəalon vindemonədə çı Ğəzzə təhəvvolatonku bənə varzışi təhlili votışone: Tufan-Ələğsa hodisədə bə sionist rejin texniki cəhəto zərbə varid bıə iyən Həmas bənə qıləy mubarizə qurupi nə dıvlət ya xot kişvəri ki yolə imkanatış bıbu bə sioniston de anədə imkanaton yoıə zərbə varidış kardə.
Ə həzrət işorəş kardə ki ım məğlubiyətədə sionist rejim karde zınəş nıbe ki təziğiku xarıc bıbu, ə Həzrət ijən əlovəş kardə: əvon ım məğlubiyəti əvəzi, Ğəzzə noxəşxonəon və məktəbonədə ıştə zumandəti nışo dodən, əmmo ım ko bənə varzışkori koe ki meydonədə məğlub bıə əmmo çəy əvəzi bəşət rəğibi tərəfdaron səmt həmlə kardedə iyən bə əvon hərzə qəp jeydə iyən əvoni kuyeydə.
İslomi İnğilobi Yolə Rəhbər ijən de təkid bə ım ki sionist rejimi qıvonə məğlubiyət de ım cinoyəton əvəz nibəbe ijən hamyəşe: bıznən ki ım zılm və cinoyət, be cəvob nıbəmande və bombardımonon sionist rejimi umri kıt bəkarde.
Ə Həzrət de işorə bə de sionist rejimi nımoyəndəon mısobiğəon vədə, İroni varzışkoron tarifinə imtino kardey ijən əlovəş kardə: ımruj həmmə dınyo, İroni varzışkoron ım ko illəti dərəsəşone, boçi ki ə şəxson qıləy terrorist və cinoyətkorə rejimiro bə meydon omeydən.
Həzrəte Ayətullah Xamenei ıştə sıxənon co qılə baxşədə varzışi dınyo mərkəzon rəsmi şəxsonku ki istikboriyə ğudrəton sultə jintonədə ğəror qətəşone tənğid iyən əlovəş kardə: əvon ki bə canqi bəhonə, və siyosi hərəkətədə qıləy kişvəri varzışi həmmə meydononku məhrum kardedən, ısət təğribən bə 5 həzo Fələstini hırdənə şəhid diğğət kardəşon ni və bə ım illət ki varzışədə siyosəti mıdoxilə doey vəy bıqəton, bə cinoyəton və etosniye xoto sionist rejimi məhkum iyən məhrum kardedə ni.
İslomi İnğilobi Yolə Rəhbər ijən ım vindemoni bino beyədə, çand nəfərə cıvonon iyən nocıvonon ğəşənqə kanə və tarixiyə varzışi əncom doeyku ğədrdonətiş kardə iyən hamyəşe: jəğo ki dəvardə soronədə bə varzışi rəsmi şəxson vottə bıə kanə iyən torixi varzış bə qıləy beynəlxalğə varzışi əvz bey zərfiyəti soybe və bəpe ım royədə cəhd bıbu.
