Rəyisi: Ələğsa Tufani əməliyot, sionist rejimiro nomusi cəhəto məğlubiyət bə hisob omeydəbe

İron İslom Respublika prezdent, Seyd İbreym Rəyisi bəyonış kardə ki Ə çi ki Fələstin və Ğəzzə millət və cıvonon əncom dodən, ıştə ğanuni həxi mudafiə kardey dəvomədə be, əv ijən votışe: Ələğsa Tufani əməliyot, sionist rejimiro nomusi cəhəto məğlubiyət bə hisob omeydə.

Çoşəmbə rujədə İron İslom Respublika prezdent, qıləy mislış nıbıə hodisədə, bə Livani Əlmənar, İraği Əletcah, Fələstini Fələstini Əlyəom, Fələstini Ələğsa və Yəməni Əlməsirə kanalon jurnaliston soalon cəvobış do.

Im votımonədə ki Tehroni Fələstini xiyabonədə və Fələstini mıosirə hınəon muzey vırədə əncom bıə, Rəyisi bə jurnaliston soaon cəvobış do ki əcumlə, Ələğsa Tufani əməliyot, sionist rejimi cinoyəton, Amerkə rol, İslomi muğaviməti qrupon təşəbbuson, Fələstiniku dınyo himoyəon və Ğəzzə canqi vəomə barədə be.

Bə İran Peres aqentiyəti raporti əsos, Im votımonədə Seyd İbreym Rəyisi de işorə bə ım ki deşmoniro  ım mevzu əhəmiyyəti cəhəto iyən ko hevujəti cəhəto, Ələğsa Tufani əməliyoti vey muhimm be, əv ijən əlovəş kardə: sionist rejimi zumandəti darşiyə bıə, Ələğsa Tufani əməliyot deşmoni həmmə hisob kitobon məhv kardəşe.

Əv ijən əlovəş kardə: Ələğsa Tufani əməliyot, sionist rejimi kəşfiyot və əmniyyəti və hərbi məğlubiyət bə hisob omeydə be.

İroni prezdent bə sioniston ələyh həmmə dınyo nifrət və oğoəti bə Fələstini şəhidon xuni bərəkəti xoto zınəşe və əlovəş kardə: ə çi ki sionist rejim əncom iyən nışoş do Fələstini muğaviməti vədə ociz bıə.

Əv ijən bəyonış kardə: jenon və hırdənon ğətli-am kardey, dınyoədə bə sioniston ələyh nifrətinə fəzo icodış kardə ki tosə ımruj mıslış nıbe, əv ijən votışe: Ğəzzə məntəğə qəteyədə iyən muğaviməti məhv kardeyədə, israil bə hiç qılə ıştə hədəfon rəsəş ni.