İroni Kırdıstonədə çandə obodəkə sənaye və iğtisodiyə proyekton iftitah bıən.

Zinə İroni ğərbədə Kırdıston ostanədə de İroni prezident Doktor Həsən Ruhani huzuri vasitə ov sahədə 5, ditəsərrufati 2 və sənaye baxşədə 3 qılə proyekt iftitah bıə.

Bə İrna raporti əsos ovi proyektonədə ki 100 milyard Riyal əyo sərmoyə noə bəy bə 3500 nəfər nızi cəmaəti ko və fəaliyəton boiys bıdə ki zinə de video iclosi Kırdıston Səğız, Kamyaran, Çırağvis, Dehqolan və Sıriş Obodədə çəvon icraiyə əməliyaton bino bəy.

Həmçınin Kamyaran və Sənəndəcədə 2 qılə ditəsərrufati proyekton qırd de 550 milyard Riyal sərmoyə noe bo 1200 nəfər ko icod kardero iftitoh və oj bıə.

İroni prezident ijən Kırdıstonədə 3 qılə yolə sənətiyə proyektonış de 900 milyard Riyal etebor və moyə bo 200 nəfər ko icod karde xoto binoş karde.

Zinə ruj səfəri cərəyonədə Ağaye Ruhani çı Kırdıstoni Tele-Rədio təşkilati 114 qılə Dicitaliyə Peyki Anteniyaon ijən 2 qılə Estodiyoon fəaliyəton həm bino və iftitohış kardə.

Im Anteniyaon qırd Kırdıston ostani Bane, Bicar, Divandərrə, Sərv Obod, Kamyaran və Ğorvıədə ko kardedən.

İroni prezident Doktor Ruhani zinə bə Kırdıston ostani səfər karde cərəyonədə 21 qılə plan və proyekton iftitah ijən 3 qılə muhimmə proyekton bino bey əməliyati elanış kardə.