Tacikistoni ko komitə sədr:de İroni ixtisodi əloğəon hevuj kardey prioritete

Tacikistoni ko komitə sədr və varzış iyən cıvonon vəziri təkidış kardə ki,de İroni ixtisodi əloğəon hevuj kardey digər bərnoməon kəno,çəy məmləkəti bə jimon dəvordınə proqramon prioritete.

İron İslom Respublikə və Tacikiston oxonə soronədə mıxtəlif sahəonədə, ə cumlə ixtisodi və ticorət sahəonədə dı tərəfin rabitəon dayimə hevujəti şoyd bıə.İron İslom Respublikə çe Tacikistoni mıstəğiləti zınə iminə devlətonku qıləyniye və Dışənbədə ıştə səfirəti oj kardə iminə kişfəre.Tacikistoni 143 həzo kvadrat kilometriku veyə əraziş heste və təxminən 10 milyon əhalisi bıə Mərkəzi Asiyadə vağe bıə və bə dıyo qıləy beşemonış nıbə məmləkəte.Əfğanıston,Uzbəkiston,Ğırğızıston və Çin çe Tacikistoni qonşuları cərqədəy.Tacikiston mədəni və etnik nəzəku bə İroni həmmysə vey nez bıə Miyonə Asiyə kişfəre.