Rəşt şəhri turizm haftə; xorək festival ta dasti sənaye nımoyiş doey

İran Peres: bə “Rəşt haftə” mınosibəti xoto ım şəhrədə turizmi muxtəlifə bərnoməon bərpo bəbe.

Bə İran Peres aqentiyəti raporti əsos, Hicri Şəmsi 1402 minnə sori Dey manqi 6 tosə 12 minnə rujiku (Miladi 2023 minnə sori Dkabri 27 tosə Yanvari 2 minnə ruj) Rəşt haftədə və de Qilon ostani turizmi zərfiyəton edaştey hədəfi, təğribən 40 qılə mədəniyəti bərnoməon, Qilon ostani millət iyən daxıli və xarıci turizmonro bərnoməon bərpo bəbe.

Həminə cəhətədə İroni xoraki vey yolə hodisə de “ Qilə Xorək” nomo unvani de Rəşt şəhri haftə və ruji yolqətey və Qilon ostani bə yod beşey məhəlli xorəkon sənibəton bəji kardey hədəfi və de muxtəlifə kişvəron səfiron iştiroki bərpo bıə.

8 sor çımiku bənav, Rəşt şəhr de rəsmi surət və de Yunisko bənə “xorək xıney ofəyevonə şəhr” vıjniyə iyən Yunesko ofəyevonə çəhron siyohiədə ğərorış qətə.