Pars Today

İslami inğilabi yolə rəhbəri mığavemətı ğıvvon iyən Ğəzzə millətış de qenosid əkə sionist rejimi dave meydonədə səbarzış zınə və təkidış karde Ğəzzə və Fələstinı yoliyəti iyən mığavemətı barzə səviyə iyən sionist rejimi ım 6 manqə canqədə ocizəti qıləy ilahiyə məsələy.

İslami inğilabi yolə rəhbəri mığavemətı ğıvvon iyən Ğəzzə millətış de qenosid əkə sionist rejimi dave meydonədə səbarzış zınə və təkidış karde Ğəzzə və Fələstinı yoliyəti iyən mığavemətı barzə səviyə iyən sionist rejimi ım 6 manqə canqədə ocizəti qıləy ilahiyə məsələy.

Bə islamiyə inğilabi yolə rəhbəri dəftərxonə  xəbon əsosi İslami inğilabi yolə rəhbəri Həzrət Ayətullah Xamenei zinə de Fələstinı islamiyə cihad hərəkati yol Ziyad Nəxalə və dəy həmro bıə heyəti vindımonədə bə sionist rejimi cinayəton Ğəzzə milləti ğətlıam kardeədə işarəş karde və votışe: ım sionistiyə rejim əxtə hərbiyə təchizatonədə iyən dınyo zılmkarə ğıvvon himoyəonədə jenon və hırdənon ğətleam kardedə və nışon dodə ım rejim de mığavemətı ğıvvon mubarizə iyən əvoni məğlub karde zuş ni.

Həzrət Ayətullah Xamenei bə Fələstinı islamiyə cihad hərəkati yoli xitob votışe:de Xıdavəndə xalıği yoliyəti şımə Ğəzzə milləti nəhaiyə səbarzəti bəinden.

Fələstinı islamiyə cihad hərəkati yol Ziyad Nəxalə həm Fələstinı məsələdə İron İslam Respublika himoyəonku ğədrdanətiş karde və islamiyə inğilabi sepahe pasdaranı Ğuds ğıvvə nakonə fərmondə qeneral mayor şəhid Ğasım Muleymani yod və xatirəş qirami qəte və votışe:xəyli saxtiyəti və fitnəqərə hərəkəton kənoədə Ğəzzə millət mığavemətı ğıvvon kənoədə karde zınəşone dıştə nımonəviyə mığavimət,Amerkə və sionist rejim iyən çəvon tərəfdaron plani,mığaveməti miyono bardeyu de məğlubiyət dim bə dim karde.

Fələstinı islamiyə cihad hərəkati yol mığavemətı ğıvvon xususi Həmas və İslamiyə cihad hərəkati miyonədə bə komilə həmohənqəti işarəş karde və votışe: Ğəzzə millət və mığavemət ğıvvon bə tov varde iyən mubarizə tosə  nəhaiyə səbarzəti ciddiyə bovəşon heste və de Xıdo lutfi bə vəy omə rujonədə nəhaiyə ğələbə bə nəticə bərəse.

3 şanbə martə manqi 26 nə ruji həm Fələstinı islamiyə mığavimət hərəkati siyasiyə dəftərxonə rəis İsmail Həniyə və dəy həmro bə heyət de islamiyə inğilabi yolə rəhbəri vindımonışon dəvoni.

İslamiyə inğilabi yolə rəhbəri Fələstinı mığavimət ğıvvon iyən Ğəzzə milləti nımunəviyə mığavemətiku təclilış karde və votışe:İron İslam Respublika Fələstin və Ğəzzə zılm vində iyən mığavimət əkə millətiku himoyə kardeədə heç qılə şək şubhəş ni.

Im vindımon qıləy şərayetədə təşkil bə ki İ bə milləton təşkilati əmniyət şura bı nezunədə Ğəzzədə təciliyə  holətədə otəşvəsi ğətnoməş bə imza rosniyə.