Rostə Və`də əməliyyot
Rostə Və`də əməliyyot
Rostə Və`də əməliyyot
Sepah Ləşkəri Rostə Və`də əməliyyot ki,de İroni sayir silohinə ğıvvon bıə həmkoətiyədə iyən Fərvərdinə manqi 25(Aprelə manqi 13)şəvi oxonə saatonədə bə əməl ome,çe sehyonist rejimi muhimm iyən həyoti hədəfon işğal bıə əraziyonədə hədəfışon ğərol doe.ın əməliyyot hevujə şikilədə kiber fəzoədə məxsusən X sosyal şəbəkədə əks-sədoş doe.ərəbə zıvonə istifodəəkəyon de rəkoton şellik kardey iyən vığandey vidyo və təsviron pevolo kardey,ın əməliyyotışon qıləy səbarzə əməliyyotışon zıne.
Bə ın internet istifodəçiyon bovə əsos,Sepah Muhafizə Korpusi bə cinoyətkorə sehyonist rejimi bə İroni Dəməşğədə bıə konsuləti təcavuzi doə hərbi cəvobi nışonış doe ki,tel-aviv nəyinki,ərəbi xoşə xəyolə kişfəron çe pesoxtə bıə İronofobiyə proje mığobilədə hifz kardey iyən nığo doey əzıni,bəlkəm ıştəni həm muhafizə kardey ğudrətış ni.İrğai Ənnucəba kanali ekspert Əli Zubeydi “Cumləye-Mufidə” bərnomədə çe İron İslom Respublikə bə cinoyətkorə sehyonist rejimi bə İroni Dəməşğədə bıə konsuləti təcavuzi doə cəvobi həxədə jıqo voteşe:boəmə oruzu be ki,sehyonist rejim jıqo bın formədə jıey bıbu.əy təkidış karde:votey beydə Nevatim hərbi həvo bazədə çe sehyonist rejimi ləşkəri barzə məğaminə əfsəron çandə nəfər həlok bıən iyən 18 xonəxo zabiti vəzyət həm vey yavəy.Əz- Zubeydi əlovəş kardə:ın əməliyyot bo həmmə məntəğonədə bıə mısılmınon iyən ərəbon qıləy oruzu be”….
“Rayul-Yəom” rujnomə həm ıştə hisobotədə bə sehyonist rejimi İroni boəy tənbe kardero bıə həmlədə bə Misri reaksiyə işorə kardə holədə nıvıştəşe:qıləy şərayitədə ki,çe Misri rəsmi mevğıyyət betərəf iyən neytral be.əmmo çe Misri mərdum de şiddəti İroni bə sehyonist rejimi kardə həmlə xoto çe şoyvonəti dılədə ğərğ bin.X sosyal şəbəkədə ərəbə zıvonədə istifodəkə Muhəmməd Əlmurtəza jıqoş nıvıştə: İroni çandə nevinə həmlə əsliyə hədəf bo sehyonist rejimi 3 qılə hərbi həvo bazə çe vey boho ğıymətinə silohon min cumlə bənə amerkə soxtə F35 hərbi təyyorəon lonə və oqətə vırə bə hisob omeydəbe.İroni rəketon hiç qıləy xəto və de mislış nıbə dığğəti nəzədə qətə bıə hədəfonış isobət kardə, jıəşe.
Ərəbə zıvonə coqlə istifodəəkəyonku bıə Əhməd Ələhməd nomo X sosyal şəbəkədə jıqoş nıvıştə:hiç qıləy siloh Fələstinədə bə işğalqərə sehyonist rejimi ələyh çe tars iyən vəhşətisə vey çokə siloh ni. sehyonist rejimi camiyədə vəhşəti hevujəti çe İroni kardə hərbi həmlə reaksiyədə həmməysə muhimmə nəticə be.
Ərəbə şəhrvandonku qıləyni bıə Rəyyan Ələhcəri həm ıştə istifodə hisobotədə jıqoş nıvıştə:sehyonist rejim iyən çəy məğlub nıbey əfsonə bə oxo rəse.Ğəzzədə mıstəğər bıə ərəbə zıvonə jurnalsit Vayil Əddəhduh ki,ıştı xıyzonış bə sehyonist rejimi həmlə xoto çe dastoş doəbe,İroni dron iyən rəketi həmlə həxədə bıə klipış pevolo kardə və jıqoş nıvıştə:İroni bə işğal bıə əraziyon ğandə rəketi rəsey xoto,İordan ru kəno sakin bıə mərdumi şoyvonəti.
