Pars Today

İroni prezident Rusiyə Sənkt Peterburq şəhri terroristiyə hadisə məhkum karde bəpeştə votışe: terrorizmi rişə məhv kardero beynəl xalğiyə iştimaiyəti səy və cəhdon lozime.

Bə İroni prezident aparati məlumat ərosnə mərkəzi raporti əsos İroni prezident bə Rusiyə prezident ıştə sə bə səlomtəti peyğomi dılədə de dıvlət və terroristiyə hadisədə ğəbon bıə kəson ailəon həm deardi elan karde ğeydış kardə: dınyoku harcurnə terrorizmi məhv karde fəğət de cəmi və kalektiv səy və cəhdon ijən de həmmə kişvəron həmkarion vasitə əncom bəbe ijən ım sahədə de terrorizmi əğidəon mərkəz və əsos mubarizə barədə həmçınin himoyə əkəyon vədə mane icod karde vey muhimme.

Ruhani əlovəş kardə: İron ujnən elan kardedə ki de Rusiyə bə i co bə terrorizmi zidd mubarizə barde xoto bo harcurnə həmkarion dəvom doe kamilən hozzoətiş heste.

Əmmo çı Ğırğızestani milli əmniyyət kamissiya mətboatiyə şobə rəis votışe: Rusiyə Sənkt Peterburqi terroristiyə hadisə amil qıləy Ğırğızıjə cıvone.

Fransə aqentiyəti raportış doə ki: çı Rusiyə qıləy Ğırğızıjə 21 sorə şəhrvand Əkbərcon Dicalilev Rusiyədə terroristiyə hadisə amil bıə əmmo ım mıvzo barədə təhğiğon hələ dəvomış heste.

Ğeyd bıkəmon ki Rusiyə Sənkt Peterburq qıləy mıtro estansiyaədə bomba tıpemon terroristiyə hadisədə 14 nəfər kıştə və bə 50 nəfər nezi çı Rusiyə şəhrvandon zəxmin bıən.