Sori şuori səçın
Sori şuori səçın
Sori şuori səçın
İslomi İnğılobi Yolə Rəhbər ki,hasor bo nuyə sori qıləy şuor iyən unvon səçın kardedə,bo Həşi 1403-ə sori həm “de milləti iştiroki istehsoli vaştemoni”unvonış vıjniyeşe.ın unvon nışon doydə ki,İslomi İnğılobi Yolə Rəhbəri norohətəkə həmməysə muhimmə çi,kişfəri ixtisodi məsələy. İronədə bo soron nom noey 26 sornə torıxış heste.Həşi 1387-ə sori həzrət ayətullah Xameneyi rəsmiyə surətədə bo qıləy sori qıləy şuorış vıjniye iyən ın şivə ənənəvi surətədə de tobə ısət hasor təkror beydə.
In metod dınyo əksər məmləkətonədə və de mıxtəlifə nomon əncom doey beydə.sori şuoriku bıə hədəf həm i sori dırozi və hətto çəy bədiqə həm bə məsul şəxson siyosət iyən hərəkəton qıləy cəhət və istiğomət doeye və həmçinin çe iştimoyi fikon bə sori şuorədə bəhs bıə mevzu səmt dığğəti cəlb kardeye.ğətiyə formədə hasor de İslomi İnğılobi Yolə Rəhbəri təvəssuti məsul şəxson iyən devləti idorə əkəyon bə kişfəri rujonə nioz və ehtiyocon qıləy dığğət kardedən.bın ləzədə dəvət kardedəm....koy həmro....
Bəle azizə duston İslomi İnğılobi Yolə Rəhbər bənə dəvardə çordə sori(ğərəz 1394-ə sori)çe 1403-ə sori şuorış de ixtisodi məhvəriyyəti səçın iyən elonış karde və bo Hicri-şəmsi nuyə sori“de milləti iştiroki istehsoli vaştemoni”unvonış vıjniyeşe.ın nom noey nışon doydə ki,Həzrət Ayətullah Xameneyibə istehsol iyən milləti ixtisodi fəoliyyətonədə bıə huzur iyən iştiroki ziyodəti təkid kardedən və ımi bo kişfəri ixtisodi ozavziyero bənə qıləy prioritet iyıən iminə dərəcə ko zıneydə.liza Həşi 1403-ə sori şuori cəhəton de milləti bə ico bə istehsoli baxşon ziyod iyən zumand kardey təkid kardeye və çımi bənə qıləy əsosə ixtisodi strateqiyə unvoni qıləy barzə əhəmiyytış heste.ın şuor nışon doydə ki,cari sori ixtisodi islohot iyən bərnoməon de milli ğudrəti zumand kardey iyən mərdumi bo istehsoli fəoliyyətonədə şərik kardeyro bəvon ənqizə iyən motivasiyə doeyro,bənə qıləy muhimmə prioriteti unvoni nəzədə qətey bıə.
İxtisodi məsələ həmən çe milləti əsliyə tələb iyən muşkilote.çıro ki,millət məyişəti zəminədə çe təzyiği jiyədə ğərolışon qətə və çəvon intizor ıme ki,ın vəzyət bə çokəti səmt bışo.eyni holədə ixtisod həmməysə muhimmə cilvəy ki,dışmeni həm çəy peyo fokus iyən təmərkuz kardəşe. dışmeni ımruj bə İron İslom Respublikə ələyh bıə canq,tərkibi iyən hibridə canqe.əmmo bın tərkibi canqədə ixtisod əsos iyən fundament bə hisob omeydə.zira dışmen səy kardedə de bə İroni ixtisodi təzyiğon vardey milləti miyono noroziyətiyon icod iyən ziyodko və ın noroziyətiyon bə sayir baxşon həm siroyətko.
