Yolə rəhbəri tojə hadisədə silohinə ğıvvon de zumandə tədbiri təşkil doə hərəkətonku ğədrdanətiş karde
Yolə rəhbəri tojə hadisədə silohinə ğıvvon de zumandə tədbiri təşkil doə hərəkətonku ğədrdanətiş karde
İslamiyə inğilobi yolə rəhbəri təkidış karde :silohinə ğıvvə ıştə ğabeliyəton iyən zumandətiku qıləy çokə sima iyən İroni millətiyu qıləy bə tərif loyiğ omə simaş bə nımayeş noə və beynəlxaığə səviyədə İroni milləti zumandə iradə zuhurış sobot kardə.
İslamiyə inğilobi yolə rəhbəri təkidış karde :silohinə ğıvvə ıştə ğabeliyəton iyən zumandətiku qıləy çokə sima iyən İroni millətiyu qıləy bə tərif loyiğ omə simaş bə nımayeş noə və beynəlxaığə səviyədə İroni milləti zumandə iradə zuhurış sobot kardə.
İslomiyə inğilobi yolə rəhbəri həzrət Ayətullah Xamenei zinə İroni silohinə ğıvvon yolə fərmondəonku qıləy cəmi vindımonədə de silohinə ğıvvə ruji iyən islami inğilabi sepahe pasdaranı təsis be sorəqardışi mınosibəti təbrik voteədə təkidış karde silohinə ğıvvon tojə bə dast vardə nəticon, dınyo odəmon çəşədə bə islamiyə İroni əzəməti icod be bois be və əlovəş karde ğandə bə rəketon ədədi məsələ iyən bə hədəf qıniyə bıə rəketon ki vədə bıə tərəf bəy diğğət dodə 2 minnə məsələy, əsosə məsələ beynəlxalğə səviyədə İroni millət və silohinə ğıvvə iradə zumandəti zuhur kardeye ki navədə bıə tərəfi norohəti həm həminə məsələy.
Həzrət Ayətullah Xamenei silohinə ğıvvə tədbir və hərəkətonku ğədrdanətiş karde və votışe: mıxtəlif hadisəon de madi və mənəviyə xarcon və nəticon bərobəre və muhimme ki de tədbir, xərconku kam və bə nəticon əlovə bıbo və ım qıləy koy ki silohinə ğıvvə tojə hadisədə ve çok əncomışon do.
Yolə rəhbəri sepah, silohinə ğıvvə və polis ğıvvonku ğədrdanətiş karde və silohinə ğıvvonış bə fəaliyəton və hərəkət de tojə hərəkəton və tədbiron de deşmen və deşmenətion dim bə dim beyu tovsiyəş karde və votışe: i ləhzə həm bəpe fəaliyətonku dast nıkəşəmon çun ki mande bə domo okıriye mənoy boçimi əsosi bəpe silahon iyən tədbiron tojə karde iyən deşmeni metodonku aqah be bərnamədə ğəror bıqəto.
İslamiyə inğilobi yolə rəhbəri təkidış karde İroni milləti həğiğət bəpe dınyo çəşədə bə dim beşo və əlovəş karde istidadin,zumand və xəllağə odəmon pəydo kardeku əlovə bə mıtəalə Xıdo çokə zən(fikın) bıbo və bəy təvəkkul bıkən və bıznən ki Xıdo vədə muminonku mudafiə kardeyu hətmiy və çimiku kəno əbı ni.
