Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə):”La yuğimu əmrəllah subhanəhu…..Xıdo fərmoni fəğət ə kəs icro kardey bəzıne ki,(cokson mığobilədə) nə sazişəkə bıbu və nə təslim və zəlil və nə bə taməhon tabe bıbu”.
Əmirəl-Muminin həzrət Əli(ə) Nəhcul-Bəlağə 110-ə hikmətədə İlahi ğanunon icro karedey ğobiliyyət iyən ğudrətış bıə kəson sıfəton bəyon kardedə və hamyedə:”La yuğimu əmrəllah subhanəhu…..Xıdo fərmoni fəğət ə kəs icro kardey bəzıne ki,(cokson mığobilədə) nə sazişəkə bıbu və nə təslim və zəlil və nə bə taməhon tabe bıbu”.
Oşkoye ki,Xıdo roziyəti cəlb kardey dumo bıə iyən həxı bə həxı soybi rosney dılış bıə kəson ,bəpe çe rışvə iyən sazışi əhl nıbon.jıqo fərdon həxı çəy vırədə ğərol doey əzınin.boçi ki,botıli əhl de rışvə əvoni de rohətə formə hıriyedə və çı həxıku mınsərif kardedən ki,bın miyono çe zəyifon həxon zay beydə və miyoniku şeydə.
Həmçinin ğərol bekardeyədə iyən icor koyədə zəyifə irodə soybon,bəpe çe məsuliyyəton iyən poston ğəbuli koyku dast bıkəşon iyən əy ğəbul nıkon.çıro ki,çe həxı fərmoni icro kardey qıləy ğətiyyət,şucoət iyən şəxsiyyəti istiğlolış piyedə və zəyif iyən zəlilə fərdon ki,de botıli əhli şıə roy iyən şivə əməl kardedən, hiçvaxti jıqo koy ğudrətışon nibəbe.həmməysə muhimmə çi həm ıme ki,əvon taməkorə odəminin.əvon ki,bo bəştə hədəfon rəseyro har qılıəy xarəti iyən zılləti ğəbul kardedən iyən bəştə məğsədi rəsey koyədə ıştə şəxsiyyəti bə sıvoli ji bardedən.ın fərdon deştə nəfsoniyə həvəs iyən tələbon hiçvaxti Xıdo fərmoni icroəkəyon bıey əzınin iyən əvon bo milləti muşkiloton həll kardey və boçəvon problemon anqıli oj kardeyro qıləy foydəninə ko əncom doey əzınin.boçi ki,çəvon tamə əvoni həxə royədə hərəkət kardeyku obəqəte iyən dıqlə və ya çandə qılə roy sape əvoni bəştə səmt cəlb bəkarde.ğasbu həm bə ın dəlili xotoye ki,torıxi dırozi ğərəz ənbiya iyən həxə rəhbəron əmə kamə hukumətımon vində və mışohidəmon kardə ki,tam iyən komilə surətədə həxı fərmon iyən əmron icrokon.
