İroni prezdent və dəy həmro bıə heyət bə şəhodət rəsən

İron İslam Respublika prezdent sed İbrahim Rəyisi və dəy həmro bə heyət bə millət xıdmət karde roədə Şərğiyə Azərbaycan ostani Vərzəğan məntəğədə vertəliyoti həvoiyə hadisədə bə şəhodət rəsin.

İron İslam Respublika prezdent sed İbrahim Rəyisi və dəy həmro bə heyət bə millət xıdmət karde roədə Şərğiyə Azərbaycan ostani Vərzəğan məntəğədə vertəliyoti həvoiyə hadisədə bə şəhodət rəsin.

Bə telerədyo aqentəti xəbon əsosi İron İslam Respublika prezdent sed İbrahim Rəyisi və dəy həmro bıə heyəti həml əkə vertəliyot zinə Xodaafərin səddi  vindeyu iyən çandə qılə milli və ostaniyə plani bə bəhrə rosneyu bə Şərğiyə Azərbaycan şə be və çı səddiku bə Təbrizı nati emoli zavodi tərəf şə vaxti həvosoti bevəc be xoto Vərzəğanı məntəğədə bə hadisə dıço bedə və soğot kardə.

Çandə 10 qılə təciliyə xıdmət iyən imdodiyə qrupon  bə prezdent və çəy həmroon imdod rosneyu vığandeəıdə , bə hadisə dıço bə vertəliyoti pəydo kardeyu fəaliyyəton, həvosoti bevəc be iyən hıri xoto  və bandon iyən vışə roon saxt be  bə xoto çəvon əməliyat çandə saat dəkəşə.

Nəhayətdə ımruj 2 şanbə milləti tərəfo imdodiyə qrupon iyən helale əhmər( sıə poə ovşımı) imdodiyə cəmiyyət vertəliyoti kəşf kardən.

Im həvoiyə hadisədə prezdent sed İbrahim Rəyisi və dəy həmro bə kəson mincumlə İroni xarici koon vəzir Huseyn Əmir Əbdullahiyan, Təbrizı cumə imom Ayətullah sed Muhəmməd Əli Ale Haşem, Şərğiyə Azərbaycan ostani ostandar Malek Rəhməti  eyne holədə prezdenti muhafizə qrupi səvon, piloton və vertəliyoti kadron  bə şəhodət rəsən.

Im hadisə xoto devləti heyət foğəladə iclosış təşkil doə.

Devləti heyət de şəhidə prezdent və dəy həmro bıə şəhidon pokə cənazə vida karde mərosimi dəğiğə zəman və məkan bə İroni yol iyən vəfodorə milləti elan bəkay.