Əbədiyə ətır

Əbədiyə ətır

İntizor nıştey,dasti bəsə dastisə noey iyən çəso bəyənde xıyə kardey mənoədə ni.İntizor hozzı bey mənoədəy.qıləy hərəkət kardey mənoədəy.bın mənoədə ki,insoni həssos bıko qıləy ağıbət heste ki,bə dast pəydo kardey mumkine ki,bo bə həmonə ağıbəti rəseyro bəpe səy kardey bıbu.əmə ki,fərəci intizorədəmon,çe həzrəte Bəğiyyətullah(ərvahuna fido)zuhuri çəş kardedəmon,bəpe bın royədə cəhdkəmon.bəpe çe Məhdəvi camiyə icod kardey royədə səykəmon.həm ıştə nəfsi peyo kokəmon,həm ıştə zu vışkiye ğədərədə iyən ıştə imkoni həddədə əvəzon icodkəmon və ıştə ətrofədə bıə muhiti de har qıləy əndozə iyən mığdori və deştə ğudrəti bə Məhdəvi camiyə nezkəmon ki,Məhdəvi camiyə çe ədoləti camiyəy və de mənəviyyoti pur bıə qıləy camiyəy.çe bıvəti iyən uxuvvəti camiyəy.çe elmi camiyəy.çe izzəti camiyəy.

Fərəci intizori bobədə iqlə nuktə ıme ki,Fərəci intizor çe besəbrəti iyən mıddəti mıəyyən kardeysə co qıləy çiye ki,inson qıləy zəmoni nəzədə qəteydə ki,məsələn fılon torıxədə ın hodisə təmom bəbe ya ın şiddət bə oxo bərəse ya həzrət zuhur bıko ki,besəbrəti bıko və ya bə zəmin ekku ıştəni.Fərəci intizor ım ni.Fərəci intizor yəni ıştəni hozzı kardey.besəbrəti kardey,əcələ kardey çe ğədəğən bıə çiyonkuye.qıləy rəvoyətədə heste ki,”İnnəllahə ...ehyanə əcələ kardedon iyən tadibəsəyon,dastpoçəti kardedon,çəy məno ım ni ki,ısət Xıdo həm bəpe bəşmə ın əcələ iyən tadibəsəti tabe bıbu və qıləy ğərol beko.ne,har qıləy ğərolış heste.qıləy mıəyyənə vaxtış heste.qıləy hikmətış heste.bə həmonə hikməti əsos əncom doey beydə.