Ğaani bə sehyoniston doə çəşnavi,şımə bəpe qırd Livani tərk bıkon

İslomi İnğılobi Xandi kardə Sepah Ğuds Ğıvvon komandan ıştə sosoyal medyadə bıə səyfədə bə sehyoniston xitobən çəşnaviş doə:Ehyanə ımruj şımə deştə ixtiyori bə dumo nınışton,maşki de xarəti iyən məğlubiyyəti noçor bəbeyn fəror bıkon.

Pars Tudey bə İroni Tele-Rədyo Korporasiya istinodən doə məlumoti əsos,İroni İslomi İnğılobi Xandi kardə Sepah Ğuds Ğıvvon komandan sərdor İsmoyl Ğaani mesaji komilə mətn jıqoe:Bismillahir-Rəhmanir-Rəhim:Bəpe sehyoniston bızınon ki,deşmə yəzidi əhli de Aşura ruhiyyə iyən Huseyni imoni mandə iyən canq kardə kəson,həmonə əbədiyə bovə çəvon cononədə heste ki:”Kullu yəvmin Aşura və Kullu ərzin Kərbəlo”.Şımə bəpe qırd Livani tərk bıkon,çıro ki,ın sərzəmin çe bəsə poysə mandey iyən mığoviməti sərzəmine, nəyin ki,çe işğalqəron covlanqo. Şımə ımruj deştə irodə bə dumo nınışton,maşki de rısvoyçəti iyən məğlubiyyəti noçor bəbeyn fəror bıkon.2000-ə sor və şəhid Seyd Həsən Nəsrullah Bint Cbeyldə bıə torıxi vəsyəti çe viro beməkənən;ın vəd hənuz həm bəyjiye və bo eyni səhnə sənibəton tikror bey qıləy şubhə ni.