Dınyo şiəyon 4 minnə imom Zeynul-Aabidin Həzrət imom Səccadi(ə) şəhodəti sorəqardışi mınosibəti təsliyət.
Imruj 5 şanbə hicri ğəməri 1446 nə sori məhərrəmə manqi 12 bərobər de miladi 2024 nə sori yanvari 18, Xıdo əzizə peyğəmbəri pokə avlodonku qıləyni Həzrət imom Huseyn(ə) fərzənd dınyo şiəyon 4 minnə imom Zeynulabedin Həzrət imom Səccad(*ə) şəhodəti sorəqardışe.
Dınyo şiəyon 4 minnə imom Həzrət Zeynulabedin hicri ğəməri 38 nə sori Mədinə şəhrədə bə dınyo omə, Həzrət qıləy devrədə jidə be ki bə islam peyğəmbəri ailə ve saxtə rujon dəvardedə bin.
İmom Səccad(ə) ki Kərbəlo hadisədə noxəş be İmom Huseyn(ə) əzəmətinə ğiyami bəpeştə ım ğiyami mesaji nəşr karde qonə məsuliyyət iyən ıştə əzizə dədə ro dəvom doe məsuliyyətış bə qi qəte və ım ğiyami erj və əhəmmiyyəti nışon doeyu veyə fəaliyyətonış əncom do.
Dınyo 4 minnə imom islomiyə mədəniyyət iyən tarixi bino karde iyən kərimə ğıroni əslımandə təlimaton inkişof doeədə veyə cəhdış karde və dıştə xususiyə ruşin fikəti binoş karde bə mıslmonə alimon tərbiyət karde ta çı roədə kərimə ğıron və islom peyğəmbəri rəsm-adəton hifz bıkə.
İron islom Respublika telerədyo de imom Səccad(ə) şəhodəti sorəqardışi mınosibəti bə dınyo həmmə mıslmonon xususi bə şiəyon təsliyət votedə.
