Ali Məğaminə Rəhbəri Pezeşkiyanış bə İron İslom Respublikə prezdentətiş təsdığ karde

Ali Məğaminə Rəhbəri Pezeşkiyanış bə İron İslom Respublikə prezdentətiş təsdığ karde

İslomi İnğılobi Ali Məğaminə Rəhbər İroni milləti səçınədə doə ray iyən sədo bə ğıvvə nıştey anqıl,de qıləy fərmoni Məsud Pezeşkiyanış bə İron İslom Respublikə prezdentətiş təyin karde.

İron İslom Respublikə prezdentəti14-ə devrə mıddəti rəsmi mərosim iyən çe İroni milləti səçın kardə prezdenti rəsmi ıştə koy bino kardey mərosim ımruj (işambə ruji) de İslomi İnğılobi Ali Məğaminə Rəhbər və de kişfəri i qrup co rəsmi şəxson və nizomi koəvonon iştiroki,İmom Xomeyni(r) Huseyniyyədə bərpo bıə.bə İroni xalği konstitusiya 110-ə maddə 9-ə bəndi əsosən, bə prezdenti vıjıni dayir fərmon de İslomi İnğılobi Rəhbər dəftərxonə rəhbəri təvəssıti handey bıə.

İslomi İnğılobi Ali Məğaminə Rəhbər Həzrət Ayətullah Xameneyi fərmoni mətnədə votey beydə ki,prezdenti səçınon həlləkə imtovon de xalği iyən məmuron səyi bəico saxtə şərayitədə,de sakitəti və oğoəti bə oxo rəse və milləti vıjniyə şəxsiyyəti peyo dıjdə məsuliyyət ədo kardero hozzı be.Mərhum Şəhidə prezdenti səlohiyyəti mıddət təmom nıbey bədiqə bərpo bıə 14-ə prezdenti vıjnemon çe İroni xalği iftixoronku qıləyni və sabitə İslomi sistemi oney nışonəy və bə kişfəri siyosi muhiti rasionaləti iyən oğoəti dəlolət kardedə. Dınyo bəzi reqiyononədə bəzi analoji imtovononədə bə xoş nıomə holon əməl omeydə ki,jıqo çiyon iyo nıbey,çe İron və ironıjon barzəti  nışon doydə.

İslomi İnğılobi Ali Məğaminə Rəhbər həmçinin ın yolə iftixori icod beyədə rolış bıə,bə hakəsi ıştə təşəkkurış karde və bəçəvon bə Məsud Pezeşkiyani  mudrik,nomusin,məşhur və alimə şəxsiyyəti doə sədo əsos,əy bə İron İslom Respublikə prezdenti vəzifə təyin kardedə.

İyuli 5-ədə cımə ruji İronədə 14-ə prezdenti səçınon dıminə turədə Məsud Pezeşkiyan 16 milyonisə ziyodə sədo cəm kardə holədə,İroni 14-ə prezdent vıjniyə bıə.