İroni prezdent bə “Roy kəməri” loyihə təmom kardey vocibətiş təkid kardə

İron İslom Respublikə prezdent “Roy kəməri” loyihə bə oxo rosney sahədə roziyəti və İran iyən Çini miyono 25 sornə mıştərəkə həmkoəti plani bə həyot dəvordıney təkid kardəşe.

Bə İRNA doə məlumoti əsos,İron İslom Respublikə prezdent Məsud Pezeşkiyan bo İroni 14-ə prezdentəti devrə ğəssəm hardey mərosimədə iştirok kardero bə ın kişrəri səfə kardə de Çini prezdenti xususi nımoyəndə və Umumçin Xalq Nımoyəndəon Konqresi sədri mıovin Penq Çin Hua didoədə,Çini çe İron İslom Respublikə xarici siyosətədə strateji şərik hisob kardə holədə votəşe:İron çe Pekini de AİŞ zolımonə sanksiyaon mıborizədə bıə koməqi çe viro nibebəkarde.İroni bə Şanxay Həmkoəti Təşkilot və BRİKS-i əsos,de Çini reqiyonal və beynəlxalğə dıtərəfinə rabitəon və həmkoəti hevuj kardero hozzıəti bəyon kardə Pezeşkiyani,bə dıqlə kişfəri miyono mınosibəton beynəlxalğ və qlobalə hodisəonku təsir nıvindey təkidış karde və voteşe:AİŞ əmmo, məntəğədə noəmnəti iyən canq icod kardero de siloh həvatey koy məşğule.