Pezeşkiyan:ğərbion sionistonku himoyə kardeku dast bıkəşon.

İron İslom Respublika prezdenti ironi bə sionist rejimi cinayəti çokə cəvob doe həxi hifz beku təkid kardeədə votışe: əqər ğərbion məntəğədə noəmni vəy qəte domoədən təcili sionistonku himoyə karde vəy bıqəton.

İron İslom Respublika prezdenti ironi bə sionist rejimi cinayəti çokə cəvob doe həxi hifz beku təkid kardeədə votışe: əqər ğərbion məntəğədə noəmni vəy qəte domoədən təcili sionistonku himoyə karde vəy bıqəton.

Bə telerədyo aqentəti xəbon əsosi İron İslom Respublika prezdent Məsud Pezeşkiyan zinə 4 şanbə Fransə prezdent Emanoel Məkrobi təşkil doə telefoniyə əloğə cəvobədə ki tehronədə Həmas hərəkati siyasiyə dəftərxonə rəis İsmail Həniyə bə şəhodət rəse vədə qıləy şərayetədə ki əv İron İslom Respublika rəsmiyə mehmon be , ironi ,ım məsələ vədə bə orom be tələbon navədə votışe: İron həmmişə məntəğə və dınyoədə sulh, oroməti və əmniyyəti icod kardeyu iyən problemon, noəmni və canqi vəy qəteyu həmmişə əsosə rolış ifo kardə.

İron İslom Respublika prezdenti əlovəş kardə sionist rejim bə Ğəzzə be mudafiə milləti zid terroristiyə əməlonədə məntəğədə otəşi rost karde domoədəy və de təəssıfi Amerkə və ğərbiyə məmləkəton  məhkum karde əvəzi ım rejimi , cinayət və qenosid iyən terroron əncom doeədə himoyə kardən.