Seyd Əli Əndərzqu
Seyd Əli Əndərzqu
Seyd Əli Əndərzqu Həşi 1318-ə sori(milodi 1939) Tehroni şəhrədə miyonə səviyyədə bıə qıləy xıyzonədə bə dınyo çəşıj oj karde.de jimoni saxtiyon bə ico,deştə elmi təhsili koy məşğul be.həmonə soronədə seyd Əli çe Məhəmməd Rıza şah zılm iyən sıtəmi vindedəbe iyən bo fəğrəti iyən bədbəxti dılədə jiyə mərdumi xoto vey norohət və ğəmqin be.
Şah,çəy duston iyən xıyzonon de eyş-işrəti iyən de umumi molonku suyi-istifodə koy məşğul bin.və holın ki,bə zəmon çe İroni kişfəri əksər mərdum çe fəğrəti,tanqdastəti iyən noxəşəti dılədə jimon kardedəbin.
Şəhid Əndərzqu bə Pəhləvi rejimi ələyh ıştə mıborizə fəoliyyətonış bə İroni şah nez bıə sər vəzironku qıləyni Həsənəli Mənsuri terror və miyoniku bardey bədiqə binoş karde.Həsənəli Mənsur ıştə terrori ruji qıləy loyihə bə İroni milli məclisi bardedəbe ki,bəçəy əsos iron iyən çandə qılə xarici natə şirkət təyin bıə əraziyədə natə çoləon kandey iyən nati istexroc və həvatey bə ico səhmışon hestebe və de ın Konsorsiumu təvəsssıti nati həvatey jəqo həm qıləy bəromə bə İroni nəsib beydənıbe.
Çımonsə əlovə əv ıştə yonzə manqinə iminə vəzirəti devronədə iyən çın hodisə bənav co qıləy təhğıramizə loyihə de amerkə rabitədə bıə Kapitalisyoni mığoviləş məclisədə bə ratifikasiyəş rosnəbe.hejo bə həmonə dəlili xoto,İslomi Fədaiyon Cəmyət bə şah ələyh mıborizə qruponku qıləyni çəy terrori koyış əncom doe.de Həsənəli Mənsuri kıştey çe Əndərzqu həmmə duston ki,Həsənəli Mənsuri terrorədə dastışon hestebe, dastqir kardey və qətey bin.əmmo çe şah əmniyyəti ğıvvon Əndərzquşon pəydo kardey nızıneşone və Şəhid Əndərzqu hejo çə zəmoniku ıştə məxfiyə jimonış bino karde.şahənşahi fosidə rejimi kəşfiyyot iyən əmniyyəti ğıvvon 15 sor mıddəti dırozi nəvin ta əy dastqirkon,bıqəton.nəhoyətən,de Pəhləvi zılmkorə rejimi çandə soron dırozi mıborizə bədiqə iyən çe İroni İslomi İnğılobi milodi 1979-ə sori Səbarzəti çandə manq bənav şəhrivərə manqi 2-ə ruji həşi 1357-ə sori milodi 1978-ə sori avqustə manqədə bə şah əmniyyəti ğıvvon ratə eqıniye və bə şəhodəti məğami rəse….
